"Libreng wifi" sa NCIP sa Rizal, para sa sarbeylans
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/08/202405.free-wifi-barangay-san-rafael-rodriquez-rizal-1024x687.jpg )
NABALAKA ANG MGA residente sa Barangay San Rafael, Rodriguez, Rizal sa gimontar sa National Commission on Indigenous Peoples (NCIP) nga “libreng wifi” sa ilang barangay niadtong Mayo. Sayod silang gibutang kini aron subaybayan sila sa National Task Force-Elcac.
Matud sa taho, mismo ang NCIP ang nagbutyag sa tumong sa “libreng serbisyo.” Sa usa ka pulong niadtong Mayo 24, gimandoan sa mga ginsakpan niini ang mga residente nga gamiton ang libreng wifi aron “mokontak sa NTF-Elcac ug magtaho sa mga bali-balita aron ipabilin ang kalinaw sa barangay.”
Aron makagamit, kinahanglan pang ihatag sa mogamit ang iyang pangalan, edad, ug kasarian. Nagpasabot kini nga pagatigumon sa NCIP ug NTF-Elcac ang personal nga impormasyon sa mga mogamit sa serbisyo. Gitukod ang “libreng serbisyo” sa pakigtambayayong sa United Nations Development Programme ug Broadband ng Masa.