MIBOTAR ANG 1,246 sa kinatibuk-ang 1,883 nga mga mamumuo sa Nexperia Philippines Inc. Workers’ Union (NPIWU)-NAFLU-KMU pabor sa paglunsad og welga batok sa malukpanong pagpanangtang sa kumpanya. Gipahigayon sa unyon ang strike vote niadtong Hulyo 29-30 sa Cabuyao, Laguna.

Hapsay nga napatuman ang aktibidad human sa naunang natanggong nga botohan niadtong Hulyo 17-18 tungod sa dayag nga interbensyon sa maneydsment. Nagsumite ang unyon og Notice of Strike niadtong Hunyo 26.

Mamumuo sa senado. Niadtong Agosto 2, kadungan sa asembleya sa NPIWU-NAFLU-KMU, gianunsyo ni Jerome Adonis, pangkinatibuk-ang kalihim sa Kilusang Mayo Uno, ang iyang pagdagan sa pagkasenador ilalum sa Koalisyong Makabayan sa umalabot nga eleksyong 2025. Si Adonis, 22 ka tuig nang organisador sa KMU, ang ikatulong kandidato ilalum sa Makabayan.