Mga protesta
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/07/protest-icon-2-1024x621.png )
Untat-byahe sa UP-Diliman. Nag-untat-byahe ang mga drayber kag opereytor sang dyip nga nagabyahe sa sulod sang UP-Diliman sadtong Agosto 1 agud pamatukan ang pagsulod sang kooperatiba nga e-jeepney nga maga-agaw sang ruta sang mga tradisyunal nga dyip sa kampus. Ginpangunahan ang hublag sang UP Transport Group, sa suporta sang mga estudyante, manunudlo, kag mga mamumugon kag empleyado sang unibersidad. Nagpasa man ang grupo sang sulat sa pamunuan sang UP-Diliman. Kaundan sini ang anum ka hangyo sang mga drayber.
Pagsugata sa una nga adlaw sang klase. Nagprotesta sa Mendiola sa Manila ang mga manunudlo nga katapo sang ACT-Philippines sadtong Hulyo 29, kadungan sang pagbukas sang klase. Ginbatikos nila ang kapabaya sang rehimen Marcos kag mga palpak nga patakaran sini sa edukasyon. Suno sa ila, napaslawan ang rehimen Marcos nga sabton ang permanente nga kakulangan sang mga klasrum, manunudlo, mga tinawo nga pangsuporta sa sektor sang edukasyon, kagamitan sa pagtudlo kag mga pasilidad.
Mga biktima sang bagyong Carina, nagpiket. Sundanay nga piket-protesta ang ginlunsar sang mga imol nga taga-syudad kag grupo nga maka-kapalibutan sadtong Hulyo 29 sa upisina sang Department of Social Welfare and Development kag Department of Environment and Natural Resources sa Metro Manila. Ginasukot nila ang rehimen Marcos kag mga ahensya sini sa ila kapabaya kag salabton sa mga nahalitan sang bagyong Carina.