Mga protesta sa pag­abli sa klase sa mga unibersidad. Gatusan ka mga kabatan-onan sa mga unibersidad ang nag lunsad og mga protesta niadtong Agosto isip pagsugat sa pagabli sa klase. Gipanawagan nila ang dugang nga pondo alang sa edukasyon, paghunong sa komersyalisasyon sa edukasyon, pagbabag sa pagsaka sa matrikula ug uban pang mga balayrunon, pagpanalipud sa akademikong kagawasan ug uban pa. Gihatagan usab nila og duut ang ubang isyu sa katawhan. Adunay protesta sa tanang kampus sa University of the Philippines. May mga protesta usab sa University of Sto. Tomas, Ateneo de Manila University, Far Eastern University, Saint Louis University, Pamantasan ng Lungsod ng Maynila, Technological University of the Philippines-Manila ug Bulacan State University.

Mga lumad sa South Cotabato, nagtapok kontra­mina. Kapin 500 ka lumad nga B’laan ug T’boli ang nagtapok sa Sityo Tablo, Barangay Maan, T’boli, South Cotabato niadtong Agosto 22 aron ipadangat sa NCIP ang ilang pagsupak sa pagmina sa 88 Kiamba Mining and Development Corporation ug tanang lain pang aplikasyon para sa pagmina sa ilang lugar. Ang panagtapok tubag sa gipatawag nga konsultasyon sa NCIP nga wala niini gitambungan.