Sa Bacolod, naglunsad og surpresang protesta ang United Negros Transport Coalition (UNTC) sulod sa city hall sa Bacolod City niadtong Agosto 28 aron makigdayalogo unta sa meyor mahitungod sa pagpahunong sa makilangyaw nga PUVMP (PTMP na karon). Giatubang sila sa sanggunian nga nagpagula og resolusyon aron pangayuon sa LTFRB nga iatras ang programa ug ibalik ang indibidwal nga mga prangkisa human ang dayalogo.

Niadtong Setyembre 2-3, nagpiket sa upisina sa LTFRB Region 6 ang UNTC, uban ang mga grupo sa mga drayber sa Panay. Gitunol sa grupo ang resolusyon sa lokal nga gubyerno sa Bacolod City aron iduso ang ahensya nga mohimo og lakang.

Samtang, gisumite sa Piston niadtong Agosto 28 ang usa ka petisyon nga gipirmahan sa 1,000 ka drayber nga gustong moatras sa mga konsolidadong prangkisa nga gipugos kanila.