Lain-laing tipo sa aktibidad ang gilunsad sa mga balangay sa Friends of the Filipino People in Struggle (FFPS) sa Asia, Australia, Europe ug North America aron ipadayag ang ilang pakighiusa sa rebolusyong Pilipino ug manawagan og suporta alang dinhi. Gihimo nila ang mga aktibidad niadtong Agosto 26.

Sa US, gilunsad sa mga myembro sa grupo ang koordinadong mga diskusyon ug militanteng demonstrasyon sa Baltimore, Portland, Seattle, Los Angeles, New York, San Francisco ug Orange County. Gawas dinhi, gitukod usab sa nasud ang duha ka bag-ong myembrong organisasyon nga Tanod Lupa ug Guerrero. Aduna usay mga aktibidad sa Canada, The Netherlands, Finland, France, Germany, Spain, Switzerland, Denmark, Greece, Austria ug sa United Kingdom. Sa Mexico, gatusan ka aktibista ang nagtapok sa plasa sa Oaxaca aron magpahigayon og programa.