Nagprotesta ang mga progresibong organisasyon sa Bicol niadtong Agosto 14 sa Legazpi City aron makmakon ang presensyang militar sa imperyalismong US sa syudad. Gilunsad nila ang protesta sa ulahing adlaw sa “humanitarian mission” sa US sa ilalum sa Pacific Partnership 2024-2 nga nagsugod niadtong Agosto 1.

Sa pagpangulo sa Bagong Alyansang Makabayan (Bayan)-Bicol, nagpiket ang mga myembro ug alyadong organisasyon niini atubangan sa Marison Hotel sa Barangay 38-Cogon kung asa misulod ang pipila sa mga Amerikanong sundalo. Ayha niini, usa ka misa ang gilunsad sa Albay Cathedral ug karaban padulong sa Our Mother of Perpetual Help Redemptorist Church, duul sa maong hotel.

Matud kang Bayan-Bicol Chairperson Jen Nagrampa, gihimo nila ang protesta aron irehistro ang pagbatok sa mga makinasudnong Bicolano sa mga aktibidad militar sa US sa rehiyon ug bisan sa tibuok nasud. “Sa pagpanguna sa US Indo-Pacific Command, ang humanitarian mission niini usa ka smokescreen sa operasyong kombat,” matud pa sa grupo.