Giambus sa Bagong Hukbong Bayan (BHB)-Sorsogon (Celso Minguez Command) ang mga ginsakpan sa 22nd IB samtang nagabyahe sa Sityo Sabang, Barangay Calpi, Bulan, Sorsogon niadtong Setyembre 6. Napatay dinhi si Cpl. Rodel Felismino samtang samaron ang usa pa ka sundalo nga nakabase sa Barangay Calmayon, Juban.

Ang maong aksyon tubag sa BHB-Sorsogon sa reklamo sa mga lumulupyo sa lain-laing baryo sa Magallanes, Bulan, Irosin ug Juban nga ginaharas ug ginapig-ot sa mga sundalo sa mga operasyong militar. Kabahin usab kini sa pagpasidungog sa Pulang hukbo sa kamabayanihon ni Arnel “Ka Mando” Estiller ug uban pang rebolusyonaryong martir.

Pagsilot. Gitaho sa BHB-Masbate (Jose Rapsing Command) ang pagpatuman niini sa rebolusyonaryong hustisya niadtong Setyembre 10 sa usa ka aktibong myembro sa CAFGU nga si CAA Rodel Monsalod sa Barangay Cadulawan, Cataingan. Si Monsalod ang nagsilbing giya sa mga operasyon ug kampanya sa pagpatay sa 2nd IB sa mga sibilyan. Bayarang maton usab siya ni Masbate Gov. Antonio Kho.

Sa Negros Oriental, gipahamtangan sa BHB-Central Negros (Leonardo Panaligan Command) og silot-kamatayon si Jonil Sevilla, aktibong aset paniktik sa militar nga taga-Sityo Kabulay, Barangay Trinidad, Guihulngan City niadtong Agosto 30, subay sa desisyon sa nahilunaang mga organo sa demokratikong gubyerno sa katawhan. Gilunsad ang armadong aksyon sa Sityo Cambairan sa maong barangay.

Kontra-liyok. Dili moubos sa 10 ka tropa sa 2nd IB ang napatay sa kontra-reyd sa BHB-Masbate sa pagliyok sa mga tropa sa militar sa Sityo Calanay, Barangay Banco, Palanas niadtong Setyembre 15. Gipabusikad sa mga Pulang manggugubat ang usa ka bomba nga nagresulta sa kaswalti sa militar. Luwas nga nakamaniobra ang mga kauban nga walay kadaut sa ilang han-ay.