Protesta sang mga drayber sa Catarman. Nagtipon ang 300 ka drayber sang traysikol nga may ruta nga University of Eastern Philippines-Catarman sadtong Septyembre 8 para ipaabot ang ila nga pagpamatuk sa nagahana nga pagpang-agaw sang isa ka kooperatiba sa ila nga ruta. Ang atake nga ini sa ila palangabuhian ang gintulod sang PUVMP (PTMP) nga nagbukas sa lain-lain nga ruta sang gagmay nga drayber kag opereytor sa dalagko nga korporatisado nga mga kumpaniya sang “moderno nga dyip.”

Eyes On Set Network, ginlunsar. Gintukod sang mga mamumugon sa pelikula kag telebisyon, mga propesyunal, mga estudyante sang midya, kag mga tigtib-ong sang kinamatarung sa pamugon ang Eyes On Set Network para bantayan ang pagpatuman sa Eddie Garcia Law kag pagduso sang makabuhi nga sweldo kag makatawo nga oras sang pamugon sa industriya sang pelikula kag telebisyon. Upisyal nga ginlunsar ang network sa isa ka rali sadtong Septyembre 11 sa Quezon City.

Pagkwari sa Rizal, ginpa-untat. Nagpadulong sadtong Septyembre 11 sa DENR ang mga grupo nga maki-kapalibutan kag mangingisda nga apektado sang pagbaha sa Rizal sang mangdalasa ang bagyong Enteng. Panawagan nila ang gilayon nga pagkanselar sang tanan nga mga permit para sa quarrying kag pagmina sa prubinsya. Suno sa ila, ang sobra-sobra nga pagkalbo sa kalasangan diri nga tuga sang quarrying kag mina ang isa sa mayor nga kabangdanan sang madasig nga pagtaas sang tubig kag malaparan nga pagbaha sadtong Septyembre.