Unyon sa Golden Zone Garments, gintukod. Pagkatapos sang pila ka bulan nga pagpaninguha, natukod kag naparehistro sang mga mamumugon nga daily rank-and-file sang Golden Zone sa Laguna ang Nagkakaisang Manggagawa ng Golden Zone Garments and Accessories Inc sadtong Agosto 12. Gina-atubang sang mga mamumugon ang isyu sang manubo nga sweldo, pwersahan nga obertaym, kawad-on sang alawans sa transportasyon kag indi maayo nga patakaran sa kaluwasan kag ikaayong lawas.

Nagpasaka man ang unyon sang kaso sa National Conciliation and Mediation Board tungod sa pagpang-ipit sang maneydsment sa mamumugon kag pagpamilit nga maghalin sa unyon. May yara sang una nga pagtalakay sadtong Setyembre 11.

Kinamatarung, kilalahon sa pagbalhin sang ulubrahan sang icing. Padayon nga ginaduso sang mga mamumugon sang kumpaniya nga Philippine Gum Paste Inc, hilimuan sang icing (para sa keyk), sa Cubao, Quezon City ang ila nga kinamatarung pagkatapos ginbalewala sang maneydsment ang ila mga reklamo sa pagbalhin sang ulubrahan sini sa Candelaria, Quezon. Reklamo nila, pwersahan sila nga ginapabalhin sa bag-o nga ulubrahan kag kon indi pagakakason sa trabaho.

CBA sa Daiwa, ipakigbato. Masobra 100 ka mamumugon sang Daiwa-Seiko Philippines ang nagprotesta sa gwa sang ulubrahan sini sa Laguna International Industrial Park sa Biñan, Laguna sadtong Septyembre 18 para ipakigbato ang ila collective bargaining agreement (CBA). Suno sa Malayang Unyon ng Daiwa-Seiko Philippines, ginapa-atrasar sang maneydsment ang ila nga CBA.