Unyon sa Golden Zone Garments, gitukod. Human ang pipila ka bulan nga paningkamot, natukod ug naparehistro sa mga mamumuong daily rank-and-file sa Golden Zone sa Laguna ang Nagkakaisang mamumuo sa Golden Zone Garments and Accessories Inc niadtong Agosto 12. Nag-atubang ang mga mamumuo sa isyu sa ubos nga suhulan, pugos nga obertaym, kawalay alawans sa transportasyon ug dili maayong lagda sa seguridad ug panglawas.

Nagpasaka usab ang unyon og kaso sa National Conciliation and Mediation Board tungod sa pagpamig-ot sa maneydsment sa mamumuo ug pagpamugos nga mohawa sa unyon. Nahitabo ang unang pagdungog niadtong Setyembre 11.

Katungod, ilhon sa pagbalhin sa pabrika sa icing. Padayon nga ginaduso sa mga mamumuo sa kumpanyang Philippine Gum Paste Inc (PGPI), pabrika sa icing (para sa keyk), sa Cubao, Quezon City ang ilang katungod human gibalewala sa maneydsment ang ilang mga reklamo sa pagbalhin sa pabrika niini sa Candelaria, Quezon. Reklamo nila, pugos silang ginapabalhin sa bag-ong pabrika ug kung dili, pagatangtangon sila sa trabaho.

CBA sa Daiwa, pakigbisugan. Kapin 100 ka mamumuo sa Daiwa-Seiko Philippines ang nagprotesta gawas sa pabrika niini sa Laguna International Industrial Park sa Biñan, Laguna niadtong Setyembre 18 aron iduso ang ilang collective bargaining agreement (CBA). Matud sa Malayang Unyon ng Daiwa-Seiko Philippines, ginalangan sa maneydsment ang ilang CBA.