Ginpasidunggan sang rebolusyonaryong kahublagan ang tatlo ka Pulang hangaway kag kadre sang Partido sa Cagayan Valley nga namartir sadtong Septyembre 11 sa Barangay Baliuag, Peñablanca, Cagayan. Ginkilala sila nga sanday Ariel Arbitrario (Ka Karl), Danielle Marie Pelagio (Ka Seed) kag Erin Sagsagat (Ka Jorly).

Si Ka Karl ang konsultant sa estoryahanay pangkalinong sang NDFP. Nagdako sa Davao City, pila ka dekada siya nga nag-alagad sa rebolusyonaryong kahublagan sa Southern Mindanao bag-o nabalhin sa komite sang Partido sa Cagayan Valley sadtong Agosto 2018, kag sang ulihi natalana nga sekretaryo sini.

Sandig sa pasiuna nga impormasyon, ginadudahan nga ginpaidalom sa grabe nga tortyur kag interogasyon si Ka Karl tubtob sa lubos nga ginpatay. Naglab-ot sa pila ka adlaw antes ginpatuhaw ang iya nga bangkay kag ginpabudlayan ang iya mga bata nga kuhaon ang mga ini.

Si Ka Seed, 22, ang naghalin sa Manila kag anay estudyante sang PUP. Si Ka Jorly, nga nagpatapo sa BHB sadtong 1980, ang naghalin sa sahi nga imol nga mangunguma nga nagdako sa Zinundungan Valley sa Rizal, Cagayan.