Giparangalan sa rebolusyonaryong kalihukan ang tulo ka Pulang manggugubat ug kadre sa Partido sa Cagayan Valley nga namartir niadtong Setyembre 11 sa Barangay Baliuag, Peñablanca, Cagayan. Giila sila nga silang Ariel Arbitrario (Ka Karl), Danielle Marie Pelagio (Ka Seed) ug Erin Sagsagat (Ka Jorly).

Si Ka Karl usa ka konsultant sa panaghisgot kalinaw sa NDFP. Nagdaku sa Davao City, pipila ka dekada siyang nag-alagad sa rebolusyonaryong kalihukan sa Southern Mindanao ayha gideploy sa komite sa Partido sa Cagayan Valley niadtong Agosto 2018, ug gituboy sa kalihiman niini.

Subay sa pasiunang impormasyon, gidudahang gipailalum sa grabeng tortyur ug interogasyon si Ka Karl ayha gipatay. Milungtad og pipila ka adlaw ayha gilutaw ang iyang patayng lawas ug gilisud-lisud ang iyang mga anak nga makuha kini.

Si Ka Seed, 22, naggikan sa Maynila ug kanhing estudyante sa PUP. Si Ka Jorly, nga misampa sa BHB niadtong 1980, naggikan sa kabus nga mag-uuma nga nagdaku sa Zinundungan Valley sa Rizal, Cagayan.