Duterte pasabton, Marcos, sukton! Nagtlilipon ang mga demokratiko nga organisasyon kag progresibo nga partido sa Liwasang Bonifacio sa Manila sadtong Disyembre 10 agud dumdumon ang ika-76 nga Internasyunal nga Adlaw sang Tawhanon nga Kinamatarung. Ginbuyagyag nila ang makaluluoy nga kahimtangan sang tawhanon nga kinamatarung sa pungsod sa idalom sang duha ka sundanay nga rehimen. Ginwasak sang mga ralyista ang isa ka effigy nga gintawag nila nga “Pumuluyo vs Kalainan kag Kadulom” nga nagasimbolo sa pagkadunot sang mga Marcos kag Duterte. May yara man sang kasubong nga mga hublag sa Bicol, Cebu, Iloilo, Davao kag Baguio.

Impeach Sara! singgit sang mga pamatan-on sa rali sa Quezon City. Nagprotesta ang mga katapo sang Anakbayan sa Quezon City sadtong Disyembre 8 agud ipanawagan ang pagkakas kay Sara Duterte bilang bise presidente. Kadungan nila nga ginduso ang pagpasabat kay anay presidente Rodrigo Duterte para sa mga krimen sini sa pamatan-on kag pumuluyo, kag pagpanukot kay Ferdinand Marcos Jr sa inutil kag garuk nga pagpalakat sa gubyerno.

Upisyal sang DepEd sa NCR, ginkasuhan. Nagpiket sa atubang sang upisina sang Ombudsman sa Quezon City sadtong Disyembre 10 ang mga manunudlo sang pangpubliko nga buluthuan sa NCR kadungan sang pagpasaka sang kaso nga administratibo batuk kay Superintendent Rita E. Riddle. Ginpasaka batuk kay Riddle ang kaso nga grave misconduct kag tuman nga pagpang-abuso sa otoridad pagkatapos sang pagpang-ipit kag pagpang-haras niya sa mga manunudlo. Nakabase ang kaso sa pagpang-ipit ni Riddle sa paghulag sang may 200 ka manunudlo sadtong Mayo 15.