Aglepleppias iti gura ti umili a Pilipino iti panagsagaba nga ipaay iti parigat, pasista, ken aso-aso a rehimen US-Marcos. Iti napalabas a dua tawen iti sidong ni Ferdinand Marcos Jr, agtultuloy nga agsuek ti ekonomya ken saad iti biag dagiti umili, bayat nga agtultuloy nga aglaplapusanan iti kinabaknang gapu iti korapsyon dagiti sumagmamano a gamrud. Kumarkaro ti terorismo iti estado ken pananglapped kadagiti demokratiko a karbengan. Iti mandar iti imperyalista nga among na, naan-anay nga ipaaramat ti pagilian iti gerra a durdurogan iti US.

Gapu kadagiti anti-umili, anti-marigrigat ken maka-ganggannaet a neoliberal a patakaran ni Marcos, nagsuek ti ekonomya ken kimmaro pagbiagan iti mayorya ti umili. Sipud isuna’t nagturay, awan-ressat iti panagngato iti presyo ti bagas ken dadduma pay a gagatangen, bayat nailansa ti tangdan ken sueldo dagiti mangmangged ken dagiti kadawyan nga awan kabiagan wenno umdas a pagsapulan. Minilyon met laeng ti gamgamgaman iti daga, pagkalapan, kabiagan ken pagnanaedan. Kumarkaro a kumarkaro iti kalidad iti biag dagiti masa a mangmangged ken mannalon.

Araramaten na dagiti agballa nga aso a pasista nga ahente iti militar ken pulis, nakamarka ni Marcos iti umili a mangsalsalaknib ken lumablaban iti adu a lugar nga adda iti saan nga deklarado a integ militar. Sipsiputan dagiti unyon ken dadduma a timpuyog iti syudad ken kaaw-awayan. Isapsaplit iti Anti-Terror Law tapno kigtuten ti umili ken dadaelen ti panagkaykaysa da. Iti kaaw-awayan, ginasut a barangay ti pagkamkampoan ken ipapauneg iti direkta a kontrol militar. Kannigid-kannawan dagiti kaso iti pammapatay ken panagmasakaer, panagbomba ken panagabuso ken panaglabsing iti internasyunal a makatao a linteg.

Iti sidong iti panangidaulo ni Marcos, lalo a maibutbutaktak iti kaunggan iti nalungsot nga agturturay a sistema. Manipud nagtugaw manen iti Malacanañg, binawi ni Marcos ti ginasut-gasut bilyon a piso a kinabaknang a ginamgam idi panawen iti diktador nga ama na. Saan a map map ekonomya ni Marcos iti kinabaknang ken pribilehiyo. Napalalo ken puskol-rupa ti korapsyon. Awan “alyado” wenno “panagkaykaysa” iti ar-aramiden ni Marcos a bukbukodan na ti burakratiko a gungguna.

Naan-anay nga insuko ni Marcos ti waya-waya ken kasarinlan ti Pilipinas iti imperyalismo nga US, kasukat ti ayuda militar, pampulitika a suporta ken dagiti kari a panagpuonan. Iti napalabas a dua tawen, nakaibangon ti US kadagiti nayon a base militar ken pasdek iti naduma-duma a suli iti pagilian. Dagitoy ket agpapausar ni Marcos iti US tapno agserbi iti heyopulitikal nga estratehiya na laban iti imperyalista a karibal na a China. Iti daga ken taaw iti Pilipinas, agar-ari ti militar iti US.

Kakuyog ti AFP ken Philippine Coadt Guard, agirusrussuat suna kadagiti operasyon a mangdurdurog iti China tapno ikalintegan ti posible a panagaramat iti Mutual Defense Treaty apaman a kayaten iti US.

Inggana adda iti turay ni Marcos, pusikit ti masangoanan iti intero a pagilian ken sigurado a mas lalo a kumaro ti kasasaad iti umili a Pilipino. Ni Marcos ita ti numero uno a padagsen iti abaga ti umili, numero uno a terorista, numero uno iti korapsyon, numero una nga aso-aso iti imperyalismo nga US ken numero uno a traydor iti wayawaya ken seguridad iti pagilian. Isuna ita ti mangtartarawidwid iti esatdo a manangidadanes ken mananggundaway a sistema a malakolonyal ken malapyudal.

Ni Marcos ti numero uno a kabusor iti umili. rumbeng a naan-anay isuna a singiren, tubngaren ken labanan.
Nailumlom iti krisis ti sibubukel ng agturturay a sistema iti Pilipinas. Kasapulan la unay a tumakder ken sangsangkamaysa nga agtigna ti sibubukel nga umili tapno ilaban ti nailian ken demokratiko nga interes da. Kdagiti umay a bulan ken tawen, rumbeng a gundawayan ti paborable unay a sitwasyon tapno igaed ti panangring, panangorganisa ken panangpatignay iti amin a demokratiko a sektor iti umili a Pilipino, nangruna dagiti mangmangged, mannalon, ken dadduma pay a dasig ken sektor iti masa nga anakling-et.

Rumbeng nga tuloy-tuloy a dalliasaten iti sibubukel nga umili ti amin a tay-ak iti pannakilaban. Manipud iti pannagkarit iti reaksyunaryo nga eleksyon, panagrukuas kadagiti pabrika, rali kadagiti pagadalan, opisina, komunidad ken kadagiti klasada, ingana iti armado a pannakidangadang iti kaaw-awayan, rumbeng nga ipakita iti nalawa a masa ti pungtot ken gura da ken ni Marcos, ken ilaksid ken gunggunen ti panagturay na.
[Daytoy ti pakauna a palawag/pahayag nga iruar ti Partido kanaig iti maikatlo a tawen iti panagturay ni Marcos, ken iti umadani nga state of the nation address wenno sona. Iruar tu iti kompleto a pahayag kadagiti umay nga aldaw.]