[PRWC Party Documents] Stand For Socialism Against Modern Revisionism, Enero 15, 1992

MANINDUGAN SA SOSYALISMO BATUK SA MODERNO NGA REBISYUNISMO

I. Ang Marxista-Leninistang Paninindigan ng Partido Laban sa Modernong Rebisyunismo

Pagpalayo Halin sa Antirebisyunista nga Linya

Read in English Basahin sa Pilipino

Armando Liwanag, Tagapangulo, Partido Komunista sang Pilipinas

Enero 15, 1992

Ining kontra-proposal wala magkilala sa kamatuoran nga ang rebisyunistang hubon Lava nag-una na sa aton Partido sa posibilidad sang mga "fraternal" nga relasyon upod sa mga rebisyunista nga nagaharing partido. Labing signipikante pa, amo nga ang kontra-proposal wala maghatag sang seryuso nga konside-rasyon sa Marxista-Leninista nga panindugan sang Partido batuk sa moderno nga rebisyunismo. - Wala labot sang kulang ihibalo kag indi prinsipyado nga basehan sa pagpangita sang mga "fraternal" nga relasyon upod sa mga rebisyunista nga nagaharing partido kag wala pa sang kongreso nga mag-atras sa husto nga anti-rebisyunistang linya, ang istap nga organo nga gintugyanan sang mga internasyunal nga relasyon nagpadayon sang 1984 sa pag-borador kag pagpalapnag sang isa ka polisiya nga papel, "The Present World Situation and the CPP's General International Line and Policies" nga nagalaragway sang CPSU bilang isa ka Marxista-Leninista nga Partido, ang Unyon Sobyet bilang pinakamauswagon nga sosyalistang pungsod kag bilang proletaryado nga internasyunalista kag indi sosyal-imperyalista, nga nagasuporta sa kahublagan pangkahilwayan sa Ikatlong Kalibutan kag nagaangkon sang kaangay nga kapasidad militar sa Estados Unidos. Ining papel ginpresentar sang 1985 nga Plenum sang Komite Sentral kag ang desisyon amo nga maghimo sang dugang pa nga pagtuon sini.

Sang 1986, ang Komite nga Manug-patuman sang Komite Sentral nagkomisyon sang isa ka pagtuon sa Unyon Sobyet kag mga pungsod sa Nasidlangan nga Europa. Mana-baw ini nga pagtuon. Ginhimo ini sa pagsuporta sang isa ka gindeterminar na nga daan nga kongklusyon nga ining mga pungsod sosyalista bangud ang ila mga ekonomya padayon nga ginadominahan sang mga empresa nga ginapanag-iyahan sang estado kag ang ini nga mga empresa padayon nga nagadaku kag bangud ang estado padayon nga nagahatag sang mga sosyal nga garantiya sa mga pumuluyo. Ang pagtuon wala makakita sang pamatuod nga ang nagaharing partido nga amo ang nagapamuno sa ekonomya indi na matuod-tuod nga proletaryado kag ang mga kumbuyahan nga ginapanag-iyahan sang estado sugod sang tiempo ni Krushchov nangin mga baka nga galatasan sang mga garuk nga burukrata kag mga pribado nga entreprenyur nga nagakunsabo sa idalom sang madamo nga pagpakuno-kuno sa pagpalapaw sang mga produkto pakadto sa hilway na merkado.

Sa sining panahon, ang pagtinguha nga maglihis halin sa anti-rebisyunistang linya sang Partido maathag nga angut pa sa sayup nga ideya ang lubos nga kadalag-an sang rebolusyon nga Pilipino mapadasig paagi sa "pagregularisa" sang pila ka libo nga hangaway sang BHB paagi sa mga importasyon sang mabaskog nga mga hinganiban kag iban nga panglohistika nga kinahanglanon halin sa abrod, kag sa paglaktod sa mga halintang sang pag-uswag sang inaway banwa kag sa pagtukod sang hangaway sang banwa kag sa pagdabuk sa mga pwersa para sa armadong insureksyon sa pag-antisipar sang hinali nga "pagliso sang kahimtangan" agud maglunsar sang isa ka pangkabilugan nga pag-alsa.

May ara pagpati nga ang dugang nga pag-uswag sang hangaway sang banwa nagadepende sa pag-import sang mga mabaskog nga hinganiban kag pagkuha sang panglohistika nga suporta halin sa abrod kag ang kapaslawan sa pag-import sang mga ini nagakahulugan sang pagpundo ukon pag-atras sang mga rebolusyonaryong pwersa bangud wala na sang iban nga pamaagi nga ang BHB makabangibabaw sa "blockhouse" nga pagkakig-away sang kaaway kag kontrol sang mga haywey magluwas sa paggamit sang mga sopistikado nga mabaskog nga hinganiban (anti-tank kag laser-guided missiles) nga kinahanglan baklon halin sa abrod.

Sa ikaduha nga tunga sang 1986, sa pahanugot sang sentral nga liderato sang Partido, gin-umpisahan ang isa ka pagtinguha nga matukod ang mga "fraternal" nga relasyon sa CPSU kag sa iban pa nga rebisyunista nga nagaharing partido kag amo man ang wala sa poder nga malapit sa CPSU. Konsiderable nga kantidad sang mga resorsa ang gin-alokar kag gingasto sa amo nga proyekto.

Sa hingapusan sang 1986, pila ka Brezhnevista sa sulod sang CPSU kag iban pa nga hubon nagsuhestyon nga ang Partido Komunista sang Pilipinas magsimpon sa rebisyunistang hubon Lava agud makakuha sang mga "fraternal" nga relasyon sa CPSU. Ugaling ang amo nga suhestyon maalam nga ginsikway sang kontra-suhestyon nga ang CPSU kag iban nga rebisyunista nga nagaharing partido mahimo nga magpabilin sang ila mga fraternal nga relasyon sa hubon Lava samtang ang Partido Komunista sang Pilipinas mahimo may mga mainabyanon nga relasyon sa ila. Nanindugan kita sa Leninista nga linya sang proletaryado nga pagtukod sang Partido.

Tubtub sang 1987 ang kapaslawan sa pag-establisar sang mga relasyon sa mga rebisyunista nga nagaharing partido gin-interpretar sang pila ka elemento nga resulta sang pagpangindi sa bahin sang aton Partido sa pagsikway sa iya anti-rebisyunistang linya. Ini nga mga elemento ginpahanumdom sa maintiendihan nga kon ang anti-rebisyunistang linya sang Partido gin-atras kag ang mga rebisyunista nga nagaharing partido nagapa-dayon sa pagpamalibad sa aton ginatanyag nga " fraternal" ukon mainabyanon nga relasyon sa ila, ang ginaproponer nga oportunismo mangin tuman ka makahalalit sa Partido.

Sang 1987, ang Partido nakahibalo nga ang rehimen ni Gorbachov nagahimo na sang mga pagpanghanda para sa pagpaluya sang mga rebisyunista nga nagaharing partido sa Unyon Sobyet kag Nasidlagan nga Europa sa paaagi sa pagpahanugot sang iya mga adbayser, mga opisyal sang Academy of Social Sciences kag amo man ang mga opisyal kag independyente nga Sobyet masmidya sa pagsakdag sang mga maki-imperyalista, anti-komunista kag anti-sosyalista nga idea sa idalom sang pagpakuno-kuno nga sosyal demokrasya kag "liberal" nga komunismo. Sa okasyon sang ika-70 nga anibersaryo sang Rebolusyong Oktubre, si Gorbachov mismo naghimo sang iya pamulong-pulong nga nagaabandonar sang anti-imperyalista nga paghimakas kag naglaragway sa imperyalismo nga naghaboy na sang iya bayolente nga kinaiya sa isa ka integrado nga kalibutan sa diin ang Unyon Sobyet kag ang Estados Unidos kag iban nga pungsod mahimo magkooperar sa komon nga interes sang pagbuhi sang katawhan.

Amo man sang 1987, ang tsirman sang Komite Sentral sang Partido naghimo sang masangkad nga interbyu tuhoy sa pag-establisar sang mga relasyon sa mga nagaharing partido sa Unyon Sobyet, sa Nasidlangan nga Europa kag sa iban pa. Ginhimo ini sa pagsabat sa demanda halin sa pila ka grupo sa sulod sang Partido nga ang Partido magsikway sang iya linya batuk sa rebisyunismo kag magpangayo pasaylo sa CPSU sa pagsaway sini sa Unyon Sobyet sa halambalanon sang Cambodia kag Afhanistan. Ang interbyu nag-athag nga ang Partido maka-establisar sang mga mainabyanon nga relasyon sa mga nagaharing partido bisan ang mga ini nagamentinar sang ila mga "fraternal" nga relasyon sa hubon Lava.