[PRWC Party Documents] Stand For Socialism Against Modern Revisionism, Enero 15, 1992

Manindugan Para sa Sosyalismo Batuk sa Modernong Rebisyunismo

IV. Pila ka mga Leksyon Halin sa Pagkarumpag sang Modernong Rebisyunismo sa Unyon Sobyet kag Nasidlangan nga Europa

Ang Diktadurya sang Proletaryado

Read in English Basahin sa Pilipino

Armando Liwanag, Tagapangulo, Partido Komunista ng Pilipinas

Enero 15, 1992

Pagkatapos sang sandigan nga pagkumpleto sang bag-ong demokratiko nga rebolusyon paagi sa pag-agaw sang gahum pangpulitika sa Pilipinas, ang demokratiko nga gubyerno sang pumuluyo ginatukod. Nagaporma ining diktadurya sang proletaryado santo sa basehan nga alyansa sang mamumugon kag mangunguma sa idalom sang proletaryado nga pagpamuno. Gani, ang sosyalistang rebolusyon maka-sugod sa kada aspeto sang sosyedad.

Ang demokratiko nga gubyerno sang pumuluyo ukon sosyalista nga estado dapat lang mag-alagad sa bug-os nga pumuluyo. Pero indi ini mangin wala sahi ukon lapaw-sa-sahi. Ara ang isa ka depinido nga makasahing paghari, proletaryado man ukon burgesya. Kon maghuyang ang mga komunista bahin diri hatagan niya sang inisyatiba ang burgesya kag iya mga intelektwal kag pulitikal nga ahente. Ang sosyalista nga estado isa ka maathag nga makasahing diktadurya sang proletaryado agud dumulian ang kontra-rebolusyon sang mga mapanghimulos nga sahi kag gilayon tigayunon ang kaundan kag proseso sang demokrasya para sa bug-os nga pumuluyo. Ang Partido indi dapat magbuhi sang iya liderato sa bug-os nga estado kag sa hangaway sang banwa kag dapat paluntaron ang mga organisasyon sang Partido tubtub mag-abot ang panahon nga ang estado madula, pagkatapos sang isa ka bilog nga istorikal nga panahon sang pagtukod sang sosyalismo, paglutos sang imperyalismo kag sang neokolonyalismo kag paghawan sang dalan para sa komunismo.

Ang mga moderno nga rebisyunistang burukrata sistematiko nagaoponer sa konsepto sang diktadurya sang proletaryado sa tabon sang populismo kag "wala na sang mga mapanghimulos nga sahi kag wala na sang makasahing paghimakas" ukon ang "pagkadula sang makasahing paghimakas" agud liwat buhion ang burgesya sa sulod sang burukrasya kag amo man sa sosyedad paagi sa kapita-listang oryentasyon nga mga reporma. Ang dik-tadurya sang proletaryado dapat kumpre-hensibo nga magagarantiya sang pungsodnon nga kahilwayan sang pumuluyo batuk sa imper-yalismo, makasahi nga kahilwayan sang mga ginahimuslan batuk sa mga mapanghimulos nga sahi kag indibidwal nga kahilwayan batuk sa mahimo nga pagkahamulag kag pag-abuso sang gahum pang-estado.

Ang sosyalista nga konstitusyon kag diktadurya sang proletaryado dapat mag-garantiya sang mga kinamatarung sang mga indibidwal kag sang mga organisasyon nga nagasunod sa sosyalismo, pagsakdag sang partisipasyon publiko sa mga hilikuton sang estado kag butangan sang mga pamugong sa posible nga mga pagpang-abuso sang estado kag iya opisyales. Ining mga pamugong nagalakip sang mga basehan nga kahilwayan, popular nga gahum sang pag-recall, depinido nga mga termino sa palangakuan, mga limite sa edad kag mga pagdumili sa personal nga kita kag mga pribilehiyo kag batuk sa ano nga porma sang pabor nga waay basehan.

Wala sang nabutuhan nga pungsodnon nga lider nga magpangalagad sobra sa isa ka panahon sang duha ka tig-lima ka tuig nga termino kag ang tanan nga opisyales dapat magretiro sa 65 kag obligado sa 70. Ang kada indibidwal ukon organisasyon may kinama-tarung nga magpahayag sa bisan ano man sa isa ka legal nga paagi, pagsaway man ukon konstruktibo nga proposal ini. Ang persona ginasigahum nga inosente, luwas kon napama-tud-an nga may sala sa isa ka korte sa basehan sang ebidensya kag paagi sa isa ka matarung nga pagbista.

Pero sa ginpakita na sa pagkabagsak sang mga rebisyunista nga nagaharing partido kag rehimen, sala nga magsakdag sang indibidwal nga kahilwayan sa gwa sang maathag nga balayon sang anti-imperyalismo (pungsodnon nga kahilwayan) kag sosyalismo (kahilwayan sa mga mapanghimulos nga sahi). Ang indibidwal nga kahilwayan indi dapat mangin lisensya para sa mga imperyalista kag lokal nga burgesya kag iban nga reaksyunaryo sa pagpamatuk sa sosyalismo kag liwat nga agawon ang kontrol sang katilingban.

Sa bug-os nga istorikal nga panahon sang sosyalismo, ang proletaryado dapat magsiguro nga ang nagapanguna nga papel sang proletaryado ginasakdag sa konstitusyon. Kasunod sa demokratiko nga koalisyong gubyerno paagi sa konsensus, mahimo nga may ara nga mataas nga panalgan sang kongreso bilang panalgan sang nagapamugon nga pumuluyo sa idalom sang proletaryado nga pagpamuno kag manubo nga panalgan sang konreso bilang panalgan sang mga represen-tante sang pumuluyo sa kada distrito. Ang mga retirado pero sa pamensaron may ikasarang pa nga mga lider rebolusyonaryo mahimo ibutang sa mga konseho pang-adbaysori nga may mataas nga moral nga otoridad, kag labing kinahanglanon sa tion sang may krisis konsti-tusyunal nga makatalagam sa rebolusyon.

Ang proletaryado nga rebolusyonaryong Partido indi dapat kabigon nga ordinaryo nga partido kapareho sa iban nga partido sa diin madamo nga partido ang ginapahanugutan sang burges nga sistema pulitikal sa Pilipinas nga sa kamatuoran monopolisado sang mga paksyon pulitikal sang mga sahi nga manugpanghimulos. Ang Partido isa ka rebolusyonaryo nga Partido nga nagatuyo kag nagahimo sang isa ka radikal nga pagkambyo halin sa pribado nga pagpanag-iya sang kagamitan sa produksyon kag sa tanan nga mapanghimulos nga katilingban nga nagluntad sa madamo nga porma sang linibo ka tuig.

Bisan pa sa tuyo nga radikal nga pagbag-o kag ang misyon sang sahing mamumugon sa pagtukod sang sosyalismo sa bilog nga istorikal nga panahon, ang mga partido sang mamumugon nga ara na sa poder nagalimita sang ila katapuan sa isa ka gamay nga bahin sang sosyedad (sa masami singko porsyento sang populasyon), nga ang Partido nagapalapad sang iya impluwensya sa sosyedad paagi sa mga organisasyon pangmasa kag mga ahensya sang estado. Halangpon kon ngaa ang Partido isa ka gamay nga bahin sang sosyedad sa panahon sang mapintas nga paghimakas sa pag-agaw sang gahum bangud sa mapiguson nga gahum sang reaksyunaryong estado kag ang katalagman sa kabuhi, lawas kag kahilwayan sang mga katapu sang Partido kay may isa ka pagkutod ang pagpadamo sa katapuan sang Partido insigida pagkatapos sang pag-agaw sang gahum agud punggan ang daguso sang mga gilayon nga komunista kag mga oportunista pasulod sa Partido. Pero pagkatapos sang konsolidasyon sang gahum pangpulitika kag pagkontrol sang proletaryado sa tanan nga aspeto sang sosyedad, espesyalmente ang pang-edukasyon kag pangkultura nga sistema, wala sang ano man nga rason nga ang Partido indi magpadamo sang iya katapuan tubtub sa punto nga maglakip sang mayorya sang pumuluyo.

Ang Partido may kinaiya nga pangkadre kag pangmasa subong. Dapat magapadayon ini bisan naagaw na ang gahum pangpulitika. Ang mga kadre ang magasiguro sa mataas nga kalidad sang Partido kag sa pangmasa nga katapuan, ang mabaskog nga demokratiko nga pundasyon nga gintukod sang mga mamumugon kag mangunguma. Ang Partido indi makasiguro sang iya mataas nga rebolusyonaryo nga kalidad sa pagpabilin nga gamay. Sa pihak nga bahin, mahimo ini nga bahaon sang daku nga proporsyon sang intelehensya, lakip ang mga paltik nga komunista. Ang malain nga ang Partido pagakabigon pa gid nga isa ka gamay kay may pribilehiyo nga bahin sang sosyedad. Kon ang Partido magpabilin nga gamay, hangkaton ini ano man nga oras sang ano man nga grupo pulitikal ukon kahublagan nga daku ikumparar sa iya ukon mas daku ang katapuan, ukon sang tradisyunal nga dominante nga simbahan nga nagapahayag may relihiyuso kag moral nga sumulunod nga mayorya sang pumuluyo.

Santo sa istorikal nga misyon sang sahing mamumugon sa pagtukod sang sosyalismo, ang mga tiglawas sang Partido dapat may siguro nga indi magnubo sa sangkatlo nga pusisyon sa piniliay sang estado kasubong man sa mga tiglawas sang mga organisasyon pangmasa sang nagapamugon nga pumuluyo kag iban pa nga seksyon sang sosyedad. Pero sa kada pusisyon nga ginaalokar sa mga mayor nga bahin sang sosyedad, ang pumuluyo sa sulod kag gwa sang Partido dapat magpili sang mga kandidato sa listahan sang isa ka elektoral nga proseso.

Kon may daku nga katapuan, ang Partido kumpyansado nga magsulod sa multi-partido nga kooperasyon santo sa linya sang nagahiliugyon nga prente. Ang malain nga tipo sang modelo amo ang isa ka sistema pulitikal nga may isa lang ka partido nga nagalakip lang sang isa ka gamay nga praksyon sang sosyedad. Ang sosyalista nga sosyedad dapat may ikasarang sa pagpahanugot sa pagluntad kag kooperasyon sang madamo nga partido nga nagatanyag sang mga listahan sang mga kandidato nga gusto pagapilion sang pumuluyo kag sa konstitusyonal nga balayon sang sosyalista nga rebolusyon.