[PRWC Party Documents] Stand For Socialism Against Modern Revisionism, Enero 15, 1992

MANINDUGAN SA SOSYALISMO BATUK SA MODERNO NGA REBISYUNISMO

I. Ang Marxista-Leninistang Paninindigan ng Partido Laban sa Modernong Rebisyunismo

Mga Napaslawan nga Pagpaninguha sa Pag-establisar sang mga Relasyon

Read in English Basahin sa Pilipino

Armando Liwanag, Tagapangulo, Partido Komunista sang Pilipinas

Enero 15, 1992

Sang Hunyo 1988, ang "World Situation and Our Line" ginpaggwa sa pagbulos sang "The Present World Situation and the CPP's General International Line and Policies". Ang husto kag positibo nga bahin sang bag-o nga dokumento amo nga liwat ini nagtumod sang mga prinsipyo sang pungsodnon nga integridad, independensya, alalangay nga indi pagpasilabot sang kag myutwal nga suporta kag myutwal nga benepisyo agud ubayan ang mga internasyunal nga relasyon sang Partido; kag pagsakdag sang mga basehan nga prinsipyo sang sosyalismo, anti-imperyalismo kag proletaryo nga internasyunalismo kag malinong nga pagpakigpuyo bilang isa ka diplomatiko nga polisiya. Dugang pa, nagpahanumdum kag nagpaandam ini batuk sa indi maayo nga huyog sang sinisismo, anti-komunismo, nasyunalis-mo, konsumerismo, superstisyon, kriminalidad kag iban nga kaangay sini nga nagalapnag na sa mga pungsod nga ginaharian sang mga rebisyunistang partido.

Ang negatibo sini nga bahin nagalakip sang pagbaton kag pag-endorso sang mga halambalanon ni Gorbachov; paglaragway sang mga rebisyunista nga rehimen bilang sosyalista sa idalom sang "ginpanubo" nga pagdepinar; kag ang diplomatiko nga paglikaw sa mga anti-rebisyunista nga termino sang Partido.

Sa dalagan sang pagtinguha nga maestablisar ang mga mainabyanon nga relasyon sa mga rebisyunista nga nagaharing partido sang 1987 kag pasaka, ang mga tiglawas sang Partido nakamutik nga si Gorbachov kag ang iya mga rebisyunistang sumulunod nagareorganisa sining mga partido pakadto sa padayon nga pagpaluya kag pagwasak. Sa pihak sang pagdeklarar ni Gorbachov nga bahala ang mga nagahari nga partido sa Nasidlangan nga Europa nga magdesisyon sa ila kaugalingon, ang mga ahente nga Sobyet nagasulsol sining mga partido nga magreorganisa sang ila kaugalingon paagi sa pag-ilis sang mga nagakapyot sa poder nga Brezhnevista sang mga Gorbachovista kag sa ulihi paralisahon ang organisasyon sang partido. Ugaling sang 1989 lang nga nangin maathag nga wala duda nga ang tanan nga rebisyunista nga nagaharing partido kag rehimen ara sa dalan sang kaugalingon nga pagkawasak, wala panabon-tabon nga pagpanumbalik sa kapitalismo kag burges nga diktadurya sa idalom sang islogan nga "multi-partido nga demokrasya" kag "mga reporma pang-ekonomya".

Husto para sa Partido ang magpangita sang mga mainabyanon nga relasyon sa ano man nga dumuluong nga partido ukon kahublagan sa basehan sang anti-imperyalismo. Apang sala nga magsulod sa ano man nga mga "fraternal" nga relasyon nga magalakip sang pagsikway sa Marxista-Leninista nga tindog sang Partido batuk sa moderno nga rebisyunismo.

Sa sini nga kaangtanan, dapat kita kritikal sa kaugalingon sa paghuyang ukon temporaryo nga paglihis sa anti-rebisyunistang linya sang Partido kag sa pagsulod sa isa ka walay pulos nga ekspidisyon. Ang katuyuan amo ang pagpangita sang mas daku nga materyal kag moral nga suporta para sa rebolusyonaryo nga paghimakas sang pumuluyong Pilipino. Bisan pa maayo ang motibasyon, sarang lang ini makapamag-an apang indi lubos nga mangin rason sa pagpalayo gikan sa husto nga linya. Ang kasaypanan isa ka mayor nga bagay pero ini mahimo matadlong paagi sa edukasyon nga mas mahapos sangsa iban nga kasaypanan luwas kon ang pang-ideolohiya nga kagamo sa mga debelopment sa Unyon Sobyet kag Nasidlangan nga Europa tugutan nga magpadayon. Kadam-an sang mga kaupod nga naasignar sa paghimo sang internasyunal nga hilikuton nagasunod lang sa sala nga linya halin sa ibabaw.

Ang pinakamalala nga kasamaran tuga sang wala madayon kag ulihi nga pagpanuyo sa mga rebisyunista nga nagaharing partido sa Unyon Sobyet kag Nasidlangan nga Europa indi sa kadamuon sang gin-usik nga pagtinguha kag resorsa kundi ang pagpalapnag sang mga sala nga idea pareho sang: ang ini nga mga partido sa gihapon sosyalista kag ang mahatag nila ukon indi nga bulig materyal, ilabi na ang mga mabaskog nga armas, magatuga sang pag-abanse ukon pagkunol kag pag-atras sang rebolusyonaryong kahublagan nga Pilipino. Dapat tumuron nga ang mga hubon Lava amo ang may mga maayo nga relasyon sa sining mga partido umpisa sang saysenta pero ining lokal nga rebisyunistang hubon wala gid magdaku kundi nangin tando-tando sang polisiya pangluwas sang Sobyet kag rehimeng Marcos.

Sa sining punto, ang sentral nga pamunuan kag ang bug-os nga Partido dapat magpanibag-o sang pamat-ud nga magsunod sa Marxismo-Leninismo kag sa anti-rebisyunistang linya. Sa panahon kita nga nagakinahanglan sang madalum kag matayog nga pagpati sa bag-o nga demokratikong rebolusyon amo man sa sosyalistang rebolusyon. Isa ini ka panahon nga mapaanggid sang ang mga klasikal nga rebisyunistang partido nagkalawasak kag ang sosyalismo daw nangin wala sang pulos nga dalamguhanon kag ang kalibutan daw nangin bagay para lang sa pagpanghimulos kag pagpamigos sang mga imperyalista. Pero ini nga panahon amo man ang bisperas sang sosyalistang rebolusyon.