Armando Liwanag, Tagapangulo, Partido Komunista ng Pilipinas

Enero 15, 1992

Ang mayor kag esensyal nga kinaiya sang "glasnost" (pagkabukas) amo ang naga-padaku nga anti-komunista nga propaganda. Ang patag sang propaganda monopolisado sang anti-komunismo. Ginpabutyag ini sa madamo nga pamaagi sang moderno nga rebisyunista, sosyal-demokratiko, burges libe-ral, populista, nasyunalista, pasista, relihiyuso, rasista kag sa lubos nga sinikal nga termino. Ang pluralismo sang mga anti-komunista nga ideya, lakip ang labing anti-demokratiko nga tipo, ginalaragway nga demokrasya.

Pero ang yabi nga ideya sa kadam-an sang anti-komunista nga propaganda amo ang pagsuporta sa kapitalismo kag burges nga liberalismo. Gin-atake ni Gorbachov si Stalin agud matigayon sa implikasyon ang pag-atake kay Lenin, sa Marxista-Leninista nga teorya kag bug-os nga kasaysayan sang Sobyet. Pero ang iya sumulunod maathag nga nagaatake sini tanan kutub sa sakop nga panahon ni Gorbachov.

Pagkatapos mapahalin ang nagakapyot nga mga Brezhnevista sa Politburo sa labing indi demokratiko nga pamaagi -- ginabayluhan sila samtang nagapanglugayawan sa luwas ukon ginadis-og sila sa manubo nga mga lebel sang partido kag burukrasya pang-estado -- nagpapel si Gorbachov nga sa tunga siya nanday "konserbatibo" nga Ligachev nga nagabaton sang "perestroika" pero indi sang "glasnost" kag sa "progresibo" nga radikal nga Yeltsin nga wala hawid-hawid sa pagsakdag lunsay sang "glasnost" kag "perestroika". Sa sini gin-gamit niya si Ligachev sang 1987 agud sipaon si Yeltsin sa Politburo lamang magapadayon siya sa pagkooperar sa pag-atake sa CPSU halin sa guwa.

Sang 1989, ang bag-o nga Soviet Congress of People's Deputies gindominahan sang mga anti-komunista nga intelihensya nga kadam-an sang una mga komunista sa pormalidad pero sang ulihi nagdeklarar sa ila kaugalingon nga mga anay komunista kag mga anti-komunista pa gani. Ang kongreso naga-lakip sa umpisa pa lang sang mga madugay na nga prominente nga antikomunista.

Sang damlag pa lang sang 1990, gin-gamit ni Gorbachov ang kongreso agud kuhaan poder ang CPSU kag hatagan siya sang awtokratiko nga gahum presidensyal. Sa ulihi nga katunga sang 1990 nagpostura siya sa pagdampig sa "mga konserbatibo" sa CPSU kag sa estado batuk sa "mga progresibo nga radikal" nga sanday Yakovlev kag Schevarnadze. Pero sa amo man nga tion nagpasugot siya nga ibutang ang soberanya sang Unyon Sobyet sa palamangkutanon paagi sa reperendum sang damlag sang 1991.

Ang popular nga boto sa reperendum amo ang para sa pagpabilin sang Unyon Sobyet. Pero sa liwat nag-ugyon siya sa mga pwersa nga nasyunalista sa nagkalain-lain nga republika sa paghimo sang isa ka bag-o nga "tratado nga unyon" nga ang ginapangayo (pareho sang may separado nga mga hangaway kag kwarta, iban pa) nagakahulugan sang pagbungkag sang Unyon Sobyet. Sa sini nga panahon antes ang ginasugid nga kudeta agud luwason ang Unyon Sobyet, si Gorbachev nag-anunsyo nga sala ang paghatag tum-ok sa papel sang proletaryado kag plano niya nga dulaon ang CPSU kag tukuron ang isa ka sosyal-demokratiko nga partido.

Wala sapayan nga ang ginasugid nga kudeta sang mga tinawo ni Gorbachov humalin sang Agosto 19 asta 22, 1991 nagaimbolber lamang sang pila ka tagpadihut, sanday Gorbachov kag Yeltsin naghimbon sa paggamit sini agud mangin rason para dulaon ang bilog nga CPSU kag ang Soviet Congress of People's Deputies. Wala sapayan nga ang Sobyet konstitusyon kag ang Unyon Sobyet naga-exister pa gihapon kag si Gorbachov may termino presidensyal asta 1995, nagmandu siya sa dekreto sa pagdula sang Unyon Sobyet kag nagbiya pabor sa Commonwealth of Independent States (CIS) nga ginaplano pa lang. Gani samtang nagasinggit sang islogan sang demokrasya, ang duha ka anti-komunista nga sanday Gorbachov kag Yeltsin awtokratiko nga nagpaggwa sang mga dekreto kag naghimo sang labing anti-demokratiko nga mga buhat kag gintigayon ang ila kudeta batuk sa estado sang Sobyet.

Back to top
<Prev   1  2  3  4  5  6  7  8  9  10  11  12  13  14  15  16  17  18  19  20   Next>
Back to CPP Documents