[PRWC Party Documents] Stand For Socialism Against Modern Revisionism, January 15, 1992

Manindugan Para sa Sosyalismo Batuk sa Modernong Rebisyunismo

IV. Pila ka mga Leksyon Halin sa Pagkarumpag sang Modernong Rebisyunismo sa Unyon Sobyet kag Nasidlangan nga Europa

Ang Antirebisyunista nga Linya

Read in English Basahin sa Pilipino

Armando Liwanag, Tagapangulo, Partido Komunista ng Pilipinas

Enero 15, 1992

Ang pagkonsiderar liwat sa mga rebisyunista nga mga nagaharing partido bilang mga Marxista-Leninista kag ang mga rebisyunista nga rehimen bilang sosyalista kutob 1984 nagdabok sang di-paghangpanay sang siyentipiko nga sosyalismo kag isa ka paglihis halin sa anti-rebisyunista nga linya sang Partido. Dapat tadlungon ini sa kahimtangan sang indi mahinago nga kamatuoran sang pagbagsak sang rebisyunista nga nagaharing partido kag rehimen kag kaangut sa pagtadlong sang ginpadaku, sala kag wala pulos nga idea nga ining mga partido kag rehimen mahimo makahatag bulig sa pagpadasig sang kadalag-an sang rebolusyong Pilipino.

Bilang isa ka resulta sang pagbagsak sining mga partido kag mga rehimen, ang Partido mas labi pa gid nga resolbado sa pagsunod sa teorya kag praktika sang Marxismo-Leninismo kag sa pagsunod sa anti-rebisyunistang linya kag pagpursiger sa armado nga rebolusyon. Ang mga anti-komunista nga nagatuyo sa paggamit sang pagbagsak sang moderno nga rebisyunismo bilang pagdula kag lubos nga pagnegar sa mga basehan nga prinsipyo sang Marxismo-Leninismo dapat lang nga kangil-aran.

Ang PKP nagapati sa kamatuoran nga ang Marxista-Leninista nga teorya husto nga nakaubay sa mga proletaryo nga rebolusyonaryo kag sa masobra isa ka bilyon nga pumuluyo sa kadalag-an sang isa ka bag-o nga demokratikong rebolusyon kag sa sosyalistang rebolusyon kag konstruksyon. Sa bahin sang Pilipinas, ang sahing mamumugon amo ang nagapanguna nga sahi sa bag-o nga demokratiko kag sosyalistang halintang sang rebolusyon. Ang abanse nga detatsment sang sining sahi amo ang PKP. Kon wala ang ini nga Partido, ang rebolusyonaryo nga kahublagang masa sang pumuluyo wala makasulong sa kasaysayan sang Pilipinas santo sa anti-imperyalista kag antipyudal nga linya, nga may sosyalista nga perspektiba. Ang mga hubon sang petiburgesya nga tuyo manggamu, mangsamad, magpaluya kag magwasak sa PKP magapadayon lamang bilang mga alagad sang mga mapiguson kag mapanghimulos. Kon wala ang Partido indi mapasulong sang masa nga mga mamumugon kag mangunguma ang rebolusyon sang labing determinado.

Ang ginasigahum subong sang PKP bilang labing daku nga hangkat sa teoritikal nga hilikuton sa kubay sang tanan nga proletaryo nga rebolusyonaryo, lakip ang mga komunista nga Pilipino amo ang pagtuon sang mga leksyon halin sa malawigan kag matawhay nga pagpanumbalik sang kapitalismo sa mga sosyalistang pungsod kag pag-intiendi sa pamaagi sang nagapadayon nga rebolusyon, pagpamatuk sa moderno nga rebisyunismo kag pagpugong sang pagpanumbalik sang kapitalismo sa sosyalistang katilingban lakip man ang pagpakig-away para sa sosyalismo sa diin man ini ginabayluhan sang kapitalismo.

Sa mga pungsod sa diin ang moderno nga rebisyunismo nagluntad kag nagpanum-balik ang kapitalismo, ang hangkat sa teoritikal kag praktikal nga hilikuton sa kubay sang ma proletaryo nga rebolusyonaryo amo ang pagbalik sang sosyalismo kag ibalik ini sa isa ka bag-o kag mas mataas nga lebel. Ang pwersa sang sosyalismo mahimo nga magdaog liwat lamang pagkatapos makaagi sang kalakasan sang pagpanglupig kag pagpang-himulos sang kapitalismo kag paglutos sini paagi sa rebolusyonaryong kakahas. Wala pa sang istorikal nga ehemplo sang isa ka wala nagahimulos nga katilingban nagbulos sa isa ka mapanghimulos kag makasahing katilingban nga waay sang rebolusyonaryong kakahas bisan pa nga ginpakita sang paliwat-liwat sa kasaysayan nga ang isa ka mas mataas nga porma sang katilingban magabalik sa isa ka manubo nga porma paagi sa matawhay nga ebolusyon.

Sa dalagan lunsay sang bag-o nga demokratiko kag sosyalistang halintang sang Pilipinas, ang mga basehan nga paktor sang kontra-rebolusyon (sahi sang daku nga burgesya kag agalon nga mayduta) indi gid lubos mapanas (ilabi sa patag sang ideolohiya kag sikolohiya sosyal) sang mayor nga mga paktor sang rebolusyon (sahing mamumugon kag mangunguma). Kag ara ang mga intermedya nga paktor (urban petiburgesya kag pungsodnon nga burgesya) nga nagaoperar sa tunga sang duha ka punta sang rebolusyon kag kontra-rebolusyon. Ang mga mayor nga paktor sang rebolusyon mahimo nga makapangibabaw sa mga kontra-rebolusyon kag sa proseso habigon ang mga intermedya nga paktor, nga amo ang magahatag sang mga positibo kag negatibo nga epekto sa mga mayor nga paktor sang rebolusyon.

Ang karikot sang paglunsar sang bag-o nga demokratiko kag sosyalistang halintang sang rebolusyon, ang proletaryado nga Partido dapat magbayaw sang iya rebolusyonaryo nga integridad paagi sa pagsunod sa Marxista-Leninista nga teorya, halin sa pilosopiya pakadto sa estratehiya kag taktika kag dapat permi maghimo sang kongkreto nga analisis sang kongkreto nga kondisyon agud mapamu-nuan ang malapad nga masa sang pumuluyo halin sa kadalag-an pakadto sa dugang nga kadalag-an.

Ang Marxismo-Leninismo ara sa mauswag nga dalan sang sibilisasyon sang katawhan, nagasakdag sang palanublion halin sa nagtaliwan, bukas sa tanan nga paktor subong nga makahimo sang kauswagan, kag permi maghandum sang isa ka maayo nga buwasdamlag. Pero sala nga gamiton ang mga tinaga sang idealismo bilang unibersal nga humanismo, wala sahi nga populismo, labaw-sa-sahi nga estado, eskapismo kag iban pa nga abstrakto nga terminolohiya agud mangin buron kag iganegar ang proletaryado nga makasahing tindog kag sa kamatuoran nagahatag dalan para sa pagginahum sang burgesya kag iban pa nga atrasado nga pwersa sa matuod nga kalibutan.

Sala ang wala sa panahon nga pagdeklarar nga wala na ang mga mapanghimulos nga sahi kag ang makasahing paghimakas samtang sa pagkamatuod nagaluntad sila lunsay sa lokal kag internasyunal durante sa istorikal nga panahon sang sosyalismo. Ang daw-sa- pagdula sang mga mapanghimulos nga sahi sa sosyo-ekonomiko nga depinisyon wala nagakahulugan nga ang proletaryo nga kinaiya sang nagaharing partido kag sang estado indi na kinahanglanon kag ang intelehensya sa gilayon nangin proletaryado sa sosyalista nga sosyedad. Sa kamatuoran, ang burgesya una nagtuhaw paagi sa burukrasya kag sa intelektwal nga patag kag dason sa ekonomya sosyal.

Sala nga palapnagon, sa panabon sang mga idealista kag metapisika nga termino, mekanikal nga materyalismo, espesyalmente sa porma sang teorya sang mga produktibo nga pwersa nga nagapamatuod nga ang kaus-wagan sang "mga produktibo nga pwersa" mahimo bangian kag awtomatiko magadala sang sosyalistang progreso. Ang rebolusyon sa mga relasyon sang produksyon kag amo man sa super-istruktura dapat magpanguna sa produksyon. Kon indi ang idea magapa-ngibabaw nga ang sosyalismo nga may manubo nga teknolohikal kag pang-ekonomya nga lebel makaabante lang paagi sa lokal nga kapitalistang oryentasyon nga mga reporma kag sa pagpadalom sa industriyal nga kapitalista nga pungsod.