[PRWC Party Documents] Stand For Socialism Against Modern Revisionism, January 15, 1992

Manindugan Para sa Sosyalismo Batuk sa Modernong Rebisyunismo

IV. Pila ka mga Leksyon Halin sa Pagkarumpag sang Modernong Rebisyunismo sa Unyon Sobyet kag Nasidlangan nga Europa

Proletaryong Internasyunalismo

Read in English Basahin sa Pilipino

Armando Liwanag, Tagapangulo, Partido Komunista ng Pilipinas

Enero 15, 1992

Ang labing nagalala nga krisis sang nagaharing sistema sang Pilipinas matambok nga duta para sa pag-uswag kag pagdaku sa kusog sang rebolusyonaryo nga kahublagang masa sa pagpamuno sang Partido Komunista sang Pilipinas. Pero sa pag-angkon sang lubos nga kadalag-an sang bag-o nga demokratikong rebolusyon kag magpadayon sa sosyalistang rebolusyon, dapat lubos konsiderahon sang Partido ang internasyunal nga kahimtangan kag dugang nga mag-angkon kusog sang pangkalibutanon nga mamumugon kag iban nga positibong pwersa sa abrod.

Sa mga relasyon internasyunal, dapat maubayan labaw sa tanan sang prinsipyo sang proletaryo nga internasyunalismo. Ilabi na sa subong nga sitwasyon, dapat kita mag-isa kag magbuligay kusog sa mga partido kag organisasyon sang mamumugon nga nagapati sa Marxismo-Leninismo kag nagalunsar sang mga rebolusyonaryong paghimakas sa ila mga kaugalingon nga pungsod.

Kabahin sining mga partido ang mga nagapadayon sa pagpamuno sa proletaryado kag pumuluyo sa mga sosyalistang pungsod, ang mga nagatuhaw sa mga pungsod kon sa diin nabagsak ang mga rehimen nga ginpamunuan sang rebisyunista kag ang mga industriyal nga pungsod kag mga atrasado nga pungsod.

Masobra isa ka bilyon nga pumuluyo (unkwarto sang katawhan) ang padayon nagakabuhi kag nagatrabaho sa mga katilingban nga nagapati sa sosyalismo kag ginapamunuan sang mga partido sang sahing mamumugon. Ang krisis sang pangkalibutanon nga kapitalistang sistema mangin malubha pa sa subong antes ang pagluntad sadto sang sosyalismo.

Ang pagkawasak sang mga rebis-yunista nga nagaharing partido kag rehimen sa Nasidlangan nga Europa kag Unyon Sobyet kag ila mga kapareho sa abrod kabahin sang krisis sang pangkalibutanon nga kapitalistang sis-tema kag isa ka pamatuod sang positibo nga pag-uswag sa punto nga naghatag ini sang mga balantayan nga leksyon sa tanan nga proletaryo nga rebolusyonaryo, nagpakita sa kabuangan sang paglihis sa Marxismo-Leninismo kag sa dalan sang sosyalismo kag ginguba ang mga ilusyon nga madugay ginpinta sa kalibutanon nga sakup sang mga moderno nga rebisyunista.

Ang labing nagalubha nga krisis sang pangkalibutanon nga kapitalistang sistema kag ang labing naga-igting nga pagpamigos kag pagpang-himulos ang nagaduso sa mga prole-taryo nga rebolusyonaryo sa mga sosyalistang pungsod, sa mga pungsod sa diin ang mga rebisyunistang lider hayag nga nagsaylo sa kapitalismo, sa mga industriyal nga kapitalis-tang pungsod kag mga atrasado nga pungsod sa pagpalig-on liwat sang teorya kag praktika sang Marxismo-Leninismo.

Sa subong gani, maathag nga ang nagaluntad nga dekada isa ka kinagubot sosyal sa pangkalibutanon nga kapitalistang sistema kag popular nga pagpamatuk sa neokolon-yalismo. Indi ini mangin dekada sang Pax Americana kag kapitulasyon sang mga pwersa para sa rebolusyonaryo nga pagbag-o. - Sandig sa prinsipyo sang proletaryo nga internasyunalismo, ang Partido Komunista sang Pilipinas labing determinado pa gid sa pagsulod sa tanan nga pamaagi sa pagpauswag sang myutwal nga paghangpanay, mga relasyon fraternal, kag myutwal nga pagbuligay kag kooperasyon sa tanan nga partido sang sahing mamumugon kag mga proletaryo nga rebolusyonaryo sa bilog nga kalibutan.

Nagapasalamat ang Partido sa tanan nga mga mag-ulutod nga partido sa ila moral kag kongkreto nga suporta nga ginahatag sa matutom nga rebolusyonaryong paghimakas sang pumuluyong Pilipino kag sa pagkilala sa Partido bilang isa sa mga abanse nga destatsment sang pangkalibutanon nga mamumugon nga makaamot sa pagpanibag-ong kusog sang pangkalibutanon nga sosyalista kag anti-imperyalistang kahublagan sa teorya kag praktika.

Pareho subong nga himpit nagasunod ini sa islogan nga "Mga mamumugon sang tanan nga pungsod, mag-isa!" kag nagahatag labaw nga importansya sa pangkalibutanon nga paghiliusa sang mga mamumugon paagi sa mga relasyon partido-sa-partido, ang Partido dapat magtib-ong sang proletaryo nga internasyunalismo bilang pinakamataas nga prinsipyo kag pangkabilugan nga linya kon ara na ini sa poder kag dapat maghatag labaw nga importansya sa pangkalibutanon nga paghiliusa sang mga mamumugon paagi sa mga relasyon partido-sa-partido amo man sa paagi sa mga relasyon sang sosyalistang estado sa iban nga sosyalistang estado.

Ang katampad sa proletaryo nga internasyunalismo isa ka kinahanglanon nga sukatan kon bala isa ka partido Marxista-Leninista ukon indi kag kon isa ka estado sosyalista ukon indi. Nagatuyo ini kag nagatuga sang mga kondisyon pangkalibutanon para sa pagpangibabaw sang sosyalismo sa kapitalismo, agud lutuson sang sahing mamu-mugon ang burgesya kag tanan nga reaksyon, kag sa paghawan sang dalan para sa komunismo; kag sa sini sa pagtigayon sang myutwal nga suporta kag kooperasyon sang tanan nga pwersa sang proletaryo nga rebolusyonaryo, nga waay sang nagasablag nga partido ukon estado sa kahilwayan kag pagkapareho sa iban. Nakita naton ang mga partido kag estado nga nagsugod bilang proletaryado pero sang ulihi nag-atras kag nangin rebisyunista kag nagapakig-angot sa iban nga partido kag estado lamang nangin sumulunod kag kasangkapan sang ila polisiya sa luwas. Ginapaidalom nila ang prinsipyo sang proletaryo nga internasyunalismo sa mga relasyon diplomatiko kag ekonomiko sa mga burges nga estado. Nag-untat sila sa pag-hambal sang proletaryo nga internas-yunalismo nga daw mahigko ini nga pulong samtang nangin labing importante ang mga pangka-libutanon nga relasyon sa mga transnasyunal korporasyon kag bangko.

Nagatuon sang mga leksyon sa bag-o lang nga kasaysayan, ang Partido Komunista sang Pilipinas resolbado nga ang polisiya sa luwas sa pila ka adlaw sang bag-o nga Pilipinas magasakop sang mga relasyon sa iban nga sosyalistang estado, sa mga partido sang mamumugon, sa mga pumuluyo kag mga rebolusyonaryong kahublagan kag mga estado (anuman ang ila ideolohiya ukon sistema sosyal) sa pasunod nga importansya, sa idalom sang proletaryo nga internasyunalismo sa sandigan nga angtanay sa sosyalistang kinaiya sang estado kag sa proletaryo nga rebolusyonaryo nga kinaiya sang nagaharing partido.

Ang Partido kumpyansado nga ang labing nagalala nga krisis sang pang-kalibutanon nga kapitalistang sistema kag ang pagbuhi liwat sang sosyalista kag anti-imperyalistang kahublagan magatuga sang mga pangkalibutanon nga kondisyon paborable sa ila pag-angkon sang lubos nga kadalag-an sa bag-o nga demokratikong rebolusyon kag para sa pagtukod sang isa ka sosyalista nga katilingban nga nagakinahanglan ang proletaryo nga partido kag estado magpatuman sang proletaryo nga internasyunalismo kag sa isa ka bag-o kag mas mataas nga halintang.