[PRWC Party Documents] Stand For Socialism Against Modern Revisionism, January 15, 1992

Manindugan Para sa Sosyalismo Batuk sa Modernong Rebisyunismo

IV. Pila ka mga Leksyon Halin sa Pagkarumpag sang Modernong Rebisyunismo sa Unyon Sobyet kag Nasidlangan nga Europa

Ang Rebolusyong Pangkultura

Read in English Basahin sa Pilipino

Armando Liwanag, Tagapangulo, Partido Komunista ng Pilipinas

Enero 15, 1992

Sa pagpadayon sang rebolusyon, pagpamatuk sa rebisyunismo kag sa iban pa nga kontra-rebolusyonaryong pwersa kag pagpugong sa pagbalik sang kapitalismo sa sosyalista nga sosyedad, ang rebolusyon pangkultura dapat ipatuman kadungan sang may kaigting kag katuwang sa pulitikal kag sosyo-ekonomiko nga rebolusyon.

Agud malikawan naton ang mga kasaypanan nga nagtuga sang kapaslawan sang dungganon nga proletaryong rebolusyon pangkultura sa Tsina dapat naton hakson nga ang rebolusyon pangkultura isa ka mabuyukon nga demokratikong proseso nga ang Marxista-Leninista nga teorya ang nagapanguna sa pagpatuman santo sa kabilugan nga linya sang rebolusyonaryo nga paghimakas sang pumuluyo, nga ang proseso malawigan kag madamo ka beses nga malawig sangsa inaway banwa ukon sosyalista nga pang-ekonomyang konstruksyon kag indi dapat dalion agud indi mangin mapiguson, kag agud mapunggan ang anarkiya sang mga institusyon pareho sang Partido, sang estado, sang mga pangmasa nga organisasyon, sang sistema sang edukasyon, sang masmidya kag iban pa dapat mag-ako sang responsibilidad sa pagpamuno sa mga pangkultura nga kahublagang masa, nga ang nagakaigo nga proseso mapagros nga ginasunod kag ginarespeto ang mga kinamatarung sang mga indibidwal kag mga grupo.

Ang rebolusyon pagkultura isa ka importante nga proseso sa pagpabilin nga mataas ang proletaryado nga rebolusyonaryong kamuklatan ka ang ispirito sang di-makina-ugalingon kag pag-alagad sa pumuluyo. Sam-tang ang isa ka henerasyon nagabulos sa isa ginapalayo sila sa natigayon nga proseso sang pag-agaw sang gahum pangpulitika sa mga reaksyonaryo kag sa mga baganihan nga pagtinguha sa pagbalay sang isa ka sosyalistang estado, nga ara sa burukrasya sang nagaharing partido, sa estado kag bisan sa mga pangmasa nga organisasyon mahimo mag-usmod sa isa ka bag-o nga burgesya kag mag-adoptar sang moderno nga rebisyunismo kag iban pa nga mga atrasado nga idea kag polisiya. Ang pamatan-on kag intelihensya mahimo magtubo nga nagapati sa mga ara sa poder kag mag-adoptar sang mga anti-komunista nga panan-awan kag magdayaw sa mga idea kag moda sang lokal kag internasyunal nga burgesya. Bisan pa nga nagalunsar pa lang kita sang bag-o nga demokratikong rebolusyon sa Pilipinas, ginapatuman na naton ang isa ka rebolusyon pangkultura sa kubay sang pumuluyo. Ginasakdag naton ang isa ka rebo-lusyon pangkultura nga may isa ka pung-sodnon, demokratiko kag syentipiko nga kina-iya. Sa ubod sining rebolusyonaryo nga pang-masang hitabo amo ang mga rebolusyonaryong kadre nga ginaubayan sang teorya sang Marxismo-Leninismo.

Ang aton rebolusyon pangkultura may isa ka bag-o nga demokratikong tipo lain sa kag sa gihapon pagpadayon sang sosyalistang rebolusyon pangkultura. Pareho subong, dapat naton padayunon ang pagkumbinar sa liderato sang Partido, sa kahublagan pangmasa kag ang mabakod nga pagpati sa mga kinama-tarung sang indibidwal sa sulod sang anti-imperyalista kag sosyalistang balayon. Dapat hingalitan naton ang tanan nga tion, ano man ini kalawig, sa pagpataas sa rebolusyonaryong kamuklatan sang pumuluyo halin sa isa ka lebel pataas sa isa paagi sang pormal kag impormal nga pang-edukasyon kag pangkultura nga aktibidades kag sa paghamulag kag paglutos sa mga idea nga kontra sa sosylismo.

Sa sosyalista nga sosyedad dapat naton isulong ang rebolusyon pangkultura agud sakdagon ang proletaryo nga rebolusyonaryong tindog kag ang ispiritu sang pag-alagad sa pumuluyo (patriotiko kag proletaryado) kag moral nga insentibo amo ang nagamandu sa produksyon kag iban nga aktidads sosyal. Ang rebolusyonisasyon sang super-istruktura dapat magatimbang kag nagasabat sa rebolus-yonisasyon sa moda sang produksyon.

Sang ang burgesya ginkuhaan sang iya pang-ekonomya kag pangpulitika nga gahum, nagtinguha ini sa pagbalik una sa mga patag pang-ideolohiya kag pangkultura. Sang magmadinalag-on ini sa pang-ideolohiya nga pagligwat kag pangkultura nga paghilo, diri kag naghimo ini sang mga pagbag-o sa mga polisiya pangpulitika kag pang-ekonomya nga nagapabor sa kapitalistang pagpanumbalik. Ang burgesya labing epektibo kon makatrabaho sa mga wala magbag-o kag atrasado nga elemento sa sulod sang estado kag sa nagahari nga partido. Gani ang mga proletaryo nga rebolusyonaryo nagakadapat mangin mabi-nantayon sa husto nga linya kag sa militante nga pagsulong sang sosyalistang rebolusyon pangkultura. Ang mayor nga kontradiksyon sa katilingban nga sosyalista amo ang sa tunga sang proletaryado kag burgesya. Samtang mas pino ini mas nangin maigting ini sa mga patag pang-ideolohiya kag pangkultura. Kon malutos ang proletaryado sa sining mga patag, ang mga burges nga rebisyunista mahimo magaduso sang anti-proletaryado nga pagbag-o sang mga polisiya pangpulitika kag pang-ekonomya sa panabon sang lapaw-sa-sahi kag makasahing pag-himakas. Sa sini nga tion, ang burgesya ara sa maayo nga lugar sa iya pagginahum sa proletaryado kag sa pumuluyo kag sa pagpa-numbalik sang kapitalismo. Ang pagpanum-balik sang kapitalismo sa Unyon Sobyet kag Nasidlangan nga Europa nagapamatuod nga ang kadalag-an sang sosyalismo mahimo mapaatras sa panahon sang imperyalismo kag proletaryo nga rebolusyon. Tanan nga prole-taryo nga rebolusyonaryo dapat magtuon sa mga malahalon nga leksyon sa paagi sang burgesya nga nagpangibabaw sa proletaryado sa Unyon Sobyet kag Nasidlangan nga Europa.

Sa pagtukod sang sosyalismo bilang malawigan nga preparasyon para sa komu-nismo, dapat magtinguha kita sa pagbuhin sa lang-at kag paglubad sa mga kontradiksyon sa tunga sang proletaryado kag mangunguma, sa tunga sang mental kag pisikal nga trabaho kag sa tunga sang urban kag rural nga pagpanga-buhi. Dapat himuon naton ini paagi sa pagtipon sa mga ikasarang sang proletaryado kag iban nga pumuluyo, paggamit sa syensya kag tekno-lohiya kag sa pagsakdag sang isa ka sosyalista nga sibilisasyon.

Utang naton kay Mao ang teorya sang pagpadayon sang rebolusyon, pagpamatuk sa moderno nga rebisyunismo kag pagpugong sang pagpanumbalik sang kapitalismo sa sosyalista nga sosyedad; kag sa aplikasyon sining teorya sang dungganon nga proletaryong rebolusyon pangkultura, nga nagmainalag-on sa pila ka tuig tubtub nga nagresulta sang isa ka maka-Tuo nga atake. Kon ang mga positibo nga aspeto ang ginasakdag kag ang mga negatibo nga aspeto ginatadlong, puwes ang teorya kag praktika ni Mao sang rebolusyong pangkultura mahimo nga isa ka kabang-manggad sang mga basehang prinsipyo kag metodo para sa pagpadayon sang rebolusyon sa sosyalista nga katilingban. Apang ang teoritikal nga hilikuton sang rebolusyon pangkultura isa gihapon ka malapad kag bukas nga patag para sa pagtuon.

Ang kapaslawan sang isa ka rebo-lusyon indi tubtub san-o may permanente nga katapusan. Ang Komuna sang Paris sang 1871 nagmadinalag-on sing makadali kag napas-lawan. Pero ang teorya sang makasahing pag-himakas kag diktadurya sang pole-taryado indi masiling nga nangin wala-pulos. Pagkatapos sang 46 ka tuig, ang Dungganon nga Sosyalista nga Rebolusyong Oktubre nagmadinalag-on.

Masunod, ang mga pwersa sang pasismo nagdula sa mga partido sang sahing mamumugon sa madamo nga pungsod sa Europa kag madason gin-atake ang Unyon Sobyet. Insigida pagkatapos sang Ikaduha nga Inaway Pangkalibutanon, pila ka sosyalista nga pungsod ang nagtuhaw sa Nasidlangan nga Europa kag Asya.

Ang moderno nga rebisyunismo nagluntad sa pagdunggo sa pila ka sosyalistang pungsod. Kag sang ulihi, humalin 1989 pakadto 1991, nasaksihan naton ang pagbagsak sang mga rebisyunista nga partido kag rehimen. Nagakumpirma ini sa kahustuhan sang Marxista-Leninista nga kritisismo kag pagsikway sa moderno nga rebisyunismo kag pagdula sa pila ka rebisyunista nga partido kag rehimen nga nagsabwag sang madamu-damo nga teoritikal kag pulitikal nga kagamu sa sosyalista kag anti-imperyalistang kahublagan.

Sa malain nga palad, ang mga kapitalistang pwersa nangin labing arogante kag mapintas matapos madula ang Unyon Sobyet bilang isa ka superpawer nga karibal sang U.S. Ginatublag sila sang krisis sang sobra nga produksyon kag ang mga kontra-diksyon nagadaku sa tunga nila kag ila mga sumulunod nga estado sa imperyalista kag neokolonyal nga balayon. Ang mga pungsod sa diin ang kapitalismo kag burges nga diktadurya nanumbalik sa isa ka hayagan nga paagi, nangin mainit nga patag-awayan sang nasyunalismo, mga etniko nga kumplikto, militarismo kag gyera sibil.

Sa paglubha sang kapitalista nga pagpamigos kag pagpanghimulos, ang anti-imperyalista kag sosyalistang kawsa magasulong sa isa ka bag-o kag mataas nga lebel. Ang mataas nga teknolohiya sa mga kamot sang mga kapitalistang kusog nagdalom na gid kag nagpalala sa krisis sang sobra nga produksyon. Ang gyera sa balaligyaan sa tunga sang mga kapitalistang kusog nagamakot pagkatapos sang baypolar nga cold war. Gintublag sang Estados Unidos ang balanse sa tunga sang mga kapitalistang kusog samtang nagatuyo ini nga buhion ang iya produktibong ikasarang, pagpalapad sang balaligyaan kag paglubad sang iya daku nga depisito kag mga problema sa utang sa kahimtangan kon sa diin ang mga kapitalistang kusog hugot nagakapot sa ila mga bentaha sa produksyon kag pagbaligyaanay kag ang tanan nga neolokolonyal nga sumulunod nga estado (maluwas lang sa pila ka nagakita sa sarplas nga eksport bangud sa mga akomodasyon sa balaligyaan sa US) wala sang katibawasan sa mga depisito, problema sa utang kag mga tikang sa pagkinot.

Sa pila ka panahon, waay labot sa pagkadula sang pagribalan sang duha ka superpawer, ang kinagamu sosyal kag kalakasan pulitikal magadugang sa bilog nga kalibutan. Halin diri liwat nga magatuhaw ang anti-imperyalista kag sosyalistang kahublagan kag sa isa ka bag-o kag mas mataas nga lebel. Ang nagadugang nga pagpamigos kag pag-panghimulos sa mga pumuluyo sa bilog nga kalibutan magaserbi lang sa panggatong sa rebolusyonaryong kahublagan. Ang indi maayo nga kapalibutan para sa sining kahublagan isa ka pauna nga kondisyon kag isa ka paghangkat para sa iya liwat nga pagsulong.