[PRWC Party Documents] Stand For Socialism Against Modern Revisionism, January 15, 1992

Manindugan Para sa Sosyalismo Batuk sa Modernong Rebisyunismo

IV. Pila ka mga Leksyon Halin sa Pagkarumpag sang Modernong Rebisyunismo sa Unyon Sobyet kag Nasidlangan nga Europa

Sosyalista nga Rebolusyon kag Konstruksyon

Read in English Basahin sa Pilipino

Armando Liwanag, Tagapangulo, Partido Komunista ng Pilipinas

Enero 15, 1992

Sa sandigan nga pagkumpeto sang bag-ong demokratiko nga rebolusyon paagi sa pag-agaw sang gahum, ang proletaryado kag ang pumuluyo sa idalom sang pagpamuno sang Partido makasugod na sang sosyalista nga rebolusyon kag konstruksyon. Ang mga estratehiko nga mga kumbuyahan kag mga mayor nga linya sang produksyon kag distribusyon gina-nasyunalisa. Ini ang inisyal nga base para sa sosyalista nga konstruksyon. Pero ang sosyalistang estado nga sektor sang produktibo nga sistema mahimo nga mapalapad sa paggamit sang nagaluntad nga lokal nga kapital, eksport nga kinitaan kag produktibo nga pagpanghulam sa luwas.

Pero may ara pa nga mga burges demokratikong reporma nga kinahanglanon bilang mga tikang transisyunal nga tikang pareho sang reporma sa duta kag mga konsesyon sa mga mangunguma sang tanan nga istrata kag gamay kag nahanunga nga burgesya nga wala nagamonopolyo sa mga produkto pangkonsumo. Ining mga reporma kag konsesyon wala nagakahulugan sang pagtukod sang "isa ka pungsodnon-demokratiko nga ekonomya" kabaylo sa isa ka sosyalista nga ekonomya. Ang kooperatibasyon sang agrikultura kag mga indi agrikultural nga kumbuyahan kag amo man bilang gintingub nga pang-estado-pribado nga pagpanag-iya mahimo ipatuman halin sa isa ka halintang pakadto sa isa ka mas mataas nga halintang kaangut sa sosyalista nga konstruksyon kag dugang nga industriyalisasyon.

Sa kahimtangan nga sa kasaysayan ang mga sosyalista nga ekonomya ginpundar sa isa ka manubo nga pang-ekonomya kag teknolohikal nga lebel kag sa malala pa matapos ang isa ka mapangwasak nga gyera, ang proletaryado nga rebolusyonaryo nga Partido obligado sa paghimo sang mga transisyunal nga tikang. Kon ano kalawig ining mga tikang nagadepende sa kongkreto nga kondisyon. Sa Unyon Sobyet, si Lenin naghimo sang New Economic Policy. Kag kasunod sini si Stalin nagpanguna sa pagbalay kag pag-implementar sang mga serye sang tiglima ka tuig nga mga plano sang sosyalista nga konstruksyon. Nangin madinalag-on siya sa pagtukod sang isa ka sosyalista nga industriyal nga ekonomya.

Pero bisan pa nga napasad ang isa ka sosyalista nga industriyal nga ekonomya, ginmisrepresentar sang mga moderno nga rebisyunista ang New Economic Policy (NEP) ni Lenin bilang dalan pakadto sa sosyalismo imbes isa lang ka transisyunal nga tikang. Gani sanday Khrushchov, Brezhnev kag Gorbachov naghimo sang mis-interpretasyon sa paggamit kay Lenin batuk kay Lenin. Ginpangapinan nila ang pag-atras pakadto sa mga oryentado nga kapitalista nga reporma sa pagbangga sa transisyunal nga polisiya ni Lenin sa programa ni Stalin sa pagbalay sang ginapanag-iyahan sang publiko nga mga mabug-at kag basehan nga industriya kag sa pagkolektibisa sang agrikultura sa planado nga pamaagi.

Matapos natigayon sang New Econo-mic Policy ang katuyuan sini, ginpatuman ni Stalin ang lubos nga sosyalistang konstruksyon. Madali kag absoluto nga kinahanglanon nga himuon ini sa pag-atubang sang pagpamahog sang kapitalismo sa sosyalistang rebolusyon. Ang mga anti-sosyalista nga kritiko nagsaway sa sobra nga pamuhunan sa mga mabug-at kag basehan nga industriya, sa pagtapna sa mga nagaalsa nga manggaranon nga mangunguma kag sang pagpanghimulos sa mangunguma. Pero nalipatan nila sa paghambal nga ang matutom nga pagtrabaho, ang paghimakas batuk sa mga kontra-rebolusyonaryo kag ang sakripisyo nagbunga sang pagtaas sang pro-duksyon kag sang istandard sa pagpangabuhi, ang mekanisasyon sang agrikultura kag sa pagpalapad sang urban nga pagpangabuhi sa malip-ot gid lang nga tiempo. Kon ginpasugtan si Bukharin kag napalawig ang NEP, maga-patuhaw ang Unyon Sobyet sang indi makontrol nga burgesya kag lapnagon ang mga mang-garanon nga mangunguma nga magalutos sa proletaryado, magakulang ang pang-ekonomya kahimtangan kag ikasarang pangdepensa, mangin mahapos atakehon ni Hitler kag sang temprano pa tani gin-atake sang Nazi nga Germany.

Pagkatapos sang Ikaduha nga Inaway Pangkalibutanon, ang Tsina sa idalom sang pagpamuno ni Mao Zedong nakatigayon magpakita nga mahimo ang isa ka balansyado-katama-nga pag-uswag sang agrikultura bilang pundasyon sang ekonomya, ang mabug-at nga industriya bilang nagapanguna nga paktor kag ang mamag-an nga industriya bilang nagataytay nga paktor sa tunga sang nagapanguna nga duha. Ang linya ni Mao amo nga hatagan sang pinakamadali nga higayon ang mga pang-produkto kag pangkonsumo nga balaligyaan para sa masang mangunguma. Bisan pa man si Mao wala nagakaigo nga gin-akusar sang mga moderno nga rebisyunista nga nagsobra sa industriyal nga pamuhunan kag wala sa panahon nga kooperatibisasyon. Sa ano pa man, ang Tsina nga modelo amo gihapon ang mas maayo sa balansyado-katama nga pag-uswag sa isa ka imol nga pungsod nga nagalunsar sang sosyalista nga konstruksyon. Ang teorya kag praktika sang syentipiko nga sosyalismo, kon amo, padayon nagasanyog.

Tanan nga moderno nga rebisyunista nadala sang teorya sang "mga produktibo nga pwersa" kag ekonomismo. Nagawakal sila sang sobra nga balor kag sa amo man ila ginapaburon ang Marxista nga teorya sang sobra nga balor kag matinugahon nga linya sang paggamit sang tani pribado nga ganansya bilang ganansya sosyal kag sang pagkambyo tani sang isa ka anarkista apang monopolistiko nga produksyon para sa pribado nga ganansya pakadto sa paggamit sa isa ka sistema sang planado nga produksyon.

Ang mga Marxista permi nagaugyon kay Adam Smith kag sa iya sumulunod nga ang balor sang mga balaklunon katumbas sa kinaandan nga kinahanglanon sa tion sa pagtrabaho sini kag sa katumbas nga balor (presyo) ginatigayon sa merkado. Sa sosyalista nga sistema, may ara nga sistema sang mga diperensyal sa sweldo nga ginabayad santo sa kantidad kag kalidad sang nahimo nga trabaho. Sa sulod sang sistema sang pagpanag-iya publiko sang kagamitan sa produksyon kag pang-ekonomya nga pagplano, ang bag-o nga balor nga napatuhaw ginaalokar para sa pundo nga sweldo para pangkonsumo, liwat nga pamuhunan pang-ekonomya indi lang sa pagtabon sa depresasyon kundi sa pagdugang sang produksyon, pangkabilugan nga kaayuhan (edukasyon, ikaayong lawas, imprastruktura, iban pa), administrasyon kag pungsodnon nga depensa.

Magluwas sa sistema sang swelduhan nga may mga diperensyal nga nagasanto sa sistema sang mga balor pangkonsumo, ang mga balaligyaon nga naprodusar sang nadugang nga inputs nga ginbakal sa iban nga bahin sang lokalidad ukon sa pangkalibutanon nga balaligyaan sa pat-ud nga presyo kag ginabasehan ang presyo sa merkado sang mga balaligyaon. Ang mga kumparasyon sang mga presyo pwede himuon kapareho man nga mga balaligyaon nga nahimo sa abrod.

Ang sosyalista nga sistema sang produksyon napamatud-an nga epektibo sa paghimo sang lubos nga pag-empleyo, pag-angkon sang mataas nga tantos sang pag-uswag pang-ekonomya, pagsabat sa mga basehan nga kinahanglanon sang pumuluyo kag paghatag sang serbisyo sosyal tubtub ang isa ka bag-o nga burgesya nag-umpisa sa pagkuha sang nagapadaku nga bahin sang surplas nga produkto kag nagdebelopar sang kaila sa mataas nga tipo sang pangkonsumo nga balaligyaon nga sang una naangkon paagi sa institusyunal nga pagbakal sa abrod.

Dugang sa mataas nga pagkonsumo kag sobra-sobra nga mga pribilehiyo sang bag-o nga burgesya, isa pa ka daku nga pagbuhin amo ang sala nga alokasyon sang resorsa para sa pangmilitar nga kagastuhanan bangud sa pamahog sang imperyalista. Ini sa pagka-matuod nagalakip sa pinakadaku nga buhin sa resorsa sang Unyon Sobyet kag Nasidlangan nga Europa sa idalom sang malawig nga pagginahum ni Brezhnev. Pero ini ginapaburon sang imperyalista nga propaganda sa kada pagpamilit nga duna ini sa sosyalismo ukon ang ginatawag nga napaslawan nga Stalinista nga modelo nga ginasunod sang mga moderno nga rebisyunista. Sa pag-entra sa palumba-anay sa armas, ang rehimen ni Brezhnev naglihis sa mga konsepto sang pagdepensa sang pumuluyo kag sa tanan-nga-bahin nga konsolidasyon nga ginasunod ni Stalin sang ang Unyon Sobyet mas maluya sa militar kag nagaatubang sa mas daku nga katalagman halin sa mga kapitalista nga pwersa.

Sa pagkamatuod nga ang mga sosyalista nga ekonomya nag-uswag sang pila ka dekada kag nagkuha liwat sang pila ka dekada ang mga moderno nga rebisyunista sa pagpaatras sining mga ekonomya pakadto sa kapitalismo, sa idalom sang mga burges nga idea bilang pagpaandar sang produksyon kag pagpasanyog sang kalidad sang produksyon paagi sa pribado nga kumbuyahan kag hilway nga balaligyaan.

Ang pag-adoptar sang mga oryentado sang kapitalista sang nga reporma agud "suplementuhan" kag "buligan" ang sosyalista nga pag-uswag pang-ekonomya gintigayon sa sala nga pagrason. Pero ang burgesya, ang mga garuk nga burukrata kag ang manggaranon nga mangunguma liwat nga ginpatuhaw kag gindabukan agud suhuton kag waskon ang sosyalismo halin sa sulod. Pagkatapos sang pila ka nga panahon sang liberalisasyon sang ekonomya, ang mga pwersa sang burgesya mahimo magademanda sang dugang nga pribatisasyon kag pagbaligyaanay nga mas mabaskog kag mag-angkon sa ulihi sang gahum pangpulitika sa Nasidlangan nga Europa kag Unyon Sobyet.

Pero masami sa pagsugod sang ila pagtinguha sa pagsamad sa sosyalista nga ekonomya, sa diin gamay pa lang mga pribado nga entreprenyur sa sulod sang pungsod, magahimo sila sang isa ka kampanya sa pagtuon sang "episyente nga pagdumala" halin sa mga kapitalista nga pungsod (wala sapayan sang pagpatuyang sa mga siklo sang negosyo kag mga gyera kag pila ka gatos ka tuig nga paghimakas sa proletaryado kag sa mga kolonya kag sa mga sakop sang imlupwensya) para sa pagpalapad sang negosyo sa mga kapitalista nga pungsod, mga dumuluong nga pamuhunan, mga pautang kag pagsaylo sang teknolohiya kag para sa isa ka layi sang pamuhunan nga makaganyat sa mga multi-nasyunal nga kumbuyahan kag mga bangko amo man sa lokal nga burgesya nga pagasakdagon bisan pa nga ang dumuluong nga burgesya ginahatagan sang kahilwayan sa pagpamuhunan kag pagpanag-iya sang propyedad kag pag-arkila sang lokal nga pumuluyo.

Bisan indi paglapason ukon buhian ang mga basehan nga sosyalista nga prinsipyo kag bisan indi pagpadakuon ang lokal kag dumuluong nga pribado nga pagpang-iya sang kagamitan sa produksyon, mahimo gamiton ang mga diperensyal sa swelduhan kag mga bonus bilang mga insentibo para sa pagdugang sang kantidad kag kalidad sang mga balaligyaan sandig sa masaligan kag eksakto nga impormasyon sa produktibo nga ikasarang kag demanda sang konsumidor kag santo sa nahimo nga plano pang-ekonomya, sa pagsabat sa mga basehan nga kinahanglanon una sang pumuluyo kag masunod ang paghimo sang mga indi basehan nga balaligyaan agud mapataas ang istandard sang pagpangabuhi, sa pagbalay sang isa ka henerasyon sang nagapadayon nga mas maayo nga pabalay bilang isa ka tubtub buhi nga insentibo kag sa pagdesentralisa sang pang-ekonomya nga aktibidades nga may mas maayo nga mga resulta.

Ang produksyon lunsay sang mga basehan kag indi basehan nga pangkonsumo nga balaligyaon nga nagakumplimentar kag nagaangtanay. Kon ang mga basehan nga kinahanglanon nasabat na kag nagadamo ang pribado nga sinuptan, ang pumuluyo maga-umpisa sa pagpangita sang mga bagay nga pagagastuhan agud sa pagpauswag sang ila mga pagpangabuhi nga mas interesante. Pila ka mataas nga tipo sang mga pangkonsumo nga balaligyaon mahimo man maobra sa lokal. Ang iban mahimo ma-import nga waay sang pagpasulabi sa prayoridad nga igahatag sa debelopment sang bilog nga ekonomya kag sa importasyon sang mga esensyal nga taga-produkto kag pangkonsumo nga balaligyaon.

Sa kaso sang Unyon Sobyet, antes magluntad ang isa ka Gorbachov, may malawig na nga panahon si Brezhnev kon sa diin ang bag-ong burgesya nadebelopar sa lokalidad kag gin-uyang ang resorsa sa palumbaanay sang armas kag sa mga magastos nga komitment sa abrod sa idalom sang teorya sang pagpangapin sa Unyon Sobyet paagi sa pagdebelopar sang ikasarang sa paglunsar sang estratehikong opensiba kag paglunsar sang gyera sa abrod.

Nakita naton nga ang mga konsepto sang pagdepensa sang banwa kag inaway batuk sa isa ka manalakay, sa sulod sang ikasarang sa pagtindog-sa-kaugalingon sang banwa, sa sulod sang ila mga kaugalingon nga lindero kag wala nagasablag sa pag-uswag sang sosyalista nga ekonomya, sa gihapon amo ang husto nga polisiya.

Ang kwerpo sang Sobyet nga mga manalawsaw syentipiko, mga enhinyero kag teknolohista amo ang pinakadaku sa kalibutan. Naghimo sila sang mga dalagku nga pag-abante sa basehan nga pagpanalawsaw kag pag-prototype. Ugaling ang mga pag-abante nga nagasanto lang sa mga rekisito sang mataas nga teknolohiya sa pagpalumbaanay sang armas ang gin-gamit. Kag bangud sa dis-oryentasyon kag sa palso nga pagpati sa ekonomya sa produksyon sibil, daan kag wala na sa moda nga kagamitan nga inugtago kag ginapadamo nga ining labing importante nga bahin sang ekonomya wala makabenepisyo sang mataas nga teknolohiya.

Sa pagsulong sang sosyalista nga konstruksyon, matapos ang transisyunal nga panahon sang pagbuhi sang ekonomya halin sa mga kasamaran sang gera kag pagkumpleto sa burges-demokratiko nga reporma, aton dapat sakdagon ang prinsipyo sang pag-ugali sang mga sosyalista nga relasyon sa produksyon agud hilwayon ang mga produktibo nga pwersa kag palapnagon ang ila pag-uswag, kag indi dapat kita mag-atras sa rebisyunistang linya nga nagagamit sang mga oryentado nga kapitalista nga reporma agud iduso pasulong ang sosyalismo.