[PRWC Party Documents] Stand For Socialism Against Modern Revisionism, January 15, 1992

MANINDUGAN SA SOSYALISMO BATUK SA MODERNO NGA REBISYUNISMO

III. Ang Proseso sang Kapitalista nga Pagpanumbalik

Ang Ikatatlo kag Katapusan nga Halintang: Ang Rehimeng Gorbachov, 1985-91

Read in English Basahin sa Pilipino

Armando Liwanag, Tagapangulo, Partido Komunista sang Pilipinas

Enero 15, 1992

Ang rehimen nga Gorbachov humalin 1985 tubtub 1991 nagmarka sang ikatlo kag pinal nga halintang sang anti-Marxista kag anti-sosyalista nga rebisyunistang kontra-rebolusyon agud ipanumbalk ang kapitalismo kag burges nga diktadurya.

Nagalakip ini sang pagdula antes pa sang mga nagahari nga rebisyunista nga partido kag rehimen sa Nasidlangan Europa, ang paghigop sang East Germany sang West Germany, kag sa katapusan ang pagdumuli kag pagkuha sang gahum sa CPSU kag ang pagbungkag sang wala liwan kundi sang Unyon Sobyet, pagkatapos sa isa ka makaduluda nga pagtinguha nga kudeta sang mga tinawo ni Gorbachov sa pinakamataas nga mga pusisyon masunod lang sa iya.

Ang kontra-rebolusyon ginpatuman sa relatibo malinong nga pamaagi, kunsabagay, ang pag-atras sang sosyalismo pakadto sa kapitalismo nagkuha sang 38 ka tuig sa pagtigayon. Sa sulod sang ulihi nga anom ka tuig ang mga garuk nga burukrata nga nagapakuno-kuno mga komunista handa nga maghukas sang ila mga maskara insigida nagpahayag sang ila kaugalingon nga mga anay komunista nga mga anti-komunista pa gani kag nagkooperar sa madugay na nga mga anti-komunista sa kubay sang intelihensya kag sa malapad nga masa sang pumuluyo sa pagtukod sang mga rehimen nga hayagan nga burges kag anti-sosyalista.

Bangud ginmanipular kag ginpamunuan sila sang dalagku nga burgesya kag anti-komunista nga intelihensya, ang mga pangmasa nga pag-alsa sa Nasidlangan nga Europa sang 1989 indi lubos malaragway nga demokratiko bisan pa nga indi mahimutig nga ang malapad nga masa sang pumuluyo, lakip ang sahing mamumugon kag ang intelihensya agrabyado na gid man kag nag-alsa. Kay kon mag-amo sina, ang mas daku nga mga aksyon masa nga nagbutang kanday Mussolini kag Hitler sa poder, ukon ang masa nga gindabukan sang mga pasista nga Indonesian agud masakeron ang mga komunista sang 1965 makonsiderar nga demokratiko. Sa pagdeterminar sang kinaiya sang isa ka kahublagang masa ginalantaw naton indi lang ang kadakuon sang partisipasyon sang masa kundi ang kinaiya sang naimbolber nga liderato. Kay kon amo sina, ang pulu-panahon nga elektoral rali sang mga reaksyunaryong partido nga nagpwera sa mga mamumugon kag mangunguma sa poder ukon bisan ang EDSA nga pag-alsa kakumbinar ang pagribok militar sang 1986 makonsiderar nga lubos nga demokratiko.

Ang indi mga bayolente nga pangmasang pag-alsa posible kon wala sang matuod-tuod nga mga pundamental nga pagbag-o sa mapanghimulos nga sistema sosyal. Kon ang isa ka hubon sang burukrata simple nga ginbayluhan ang isa ka hubon kag kon ang interino nga hubon sang mga burukrata wala man nagasapak sang pagkambyo sang adminstrasyon. Sa Romania lang madinuguon bangud wala ini lubos malab-ot sa pagreorganisa sang mga Gorbachovista sang 1987 tubtub sa 1989 sa Nasidlangan nga Europa. Nagpamatuk si Ceausescu sa pagbag-o pareho man kay Honecker sa mahina nga lebel. Sa pagdula sang CPSU kag sang Unyon Sobyet, ang anti-komunista nga kumbinasyon nanday Gorbachov kag Yeltsin simple lang nagapaggwa sang mga dekreto nga wala gani sang pagpakuno-kuno nga may popular nga demanda sa porma sang mga pangmasa nga pag-alsa.

Bilang hingapusan nga rebisyunistang lider sang Unyon Sobyet, napadasig ni Gorbachev ang pagwasak sang CPSU kag sang Unyon Sobyet bangud sa nauna na nga trabaho nanday Khrushchov kag Brezhnev. Ang ginbuhat niya sa iya malip-ot nga pagdumalahan amo ang paglunsar sang isa ka sistematiko nga kampanya sang pagpaniplang. Ginlaragway niya ang iya rehimen nga nagahimo sang sosyalista nga pagbuhi kag sa amo man ginabuyok ang mga pwersa para sa kapitalista nga pagpanumbalik.

Sa pulu-panahon, nagapakuno-kuno siya nga nagaalagad sa Marxismo-Leninismo kag sosyalismo kag pirme nagahimo sang mga protesta nga siya kumbinsido nga komunista. Pero sa katapusan nangin hayagan siya nga anti-komunista. Sa iya katapusan nga mensahe bilang presidente sang Unyon Sobyet sang Disyembre 25, 1991, naggamit siya sang lengwahe sang mga imperyalista sa cold war agud ilaragway ang iya prinsipal nga kadalag-an nga amo ang "paghatag kahilwayan" sa pumuluyo sa "totalitaryanismo" kag "pagsibilisa" nga buot gintumod nga "indi sibilisado" nga estado nga Sobyet kag pumuluyo.

Sa pagbalay sang mga pang-ideolohiya nga rason sang iya rehimen si Gorbachov nagbalik sa matingil nga anti-Stalinismo ni Khrushchov kag nagalaragway sa panahon ni Brezhnev bilang pag-untat sang hilikuton nga gin-umpisahan ni Khrushchov. Ginbuhi niya si Bukharin kag ginhimo siya nga isa ka resorsa sang kinaalam para sa mga "reporma pang-ekonomya."

Nangin uso para kay Gorbachov kag sang iya kaupdanan sa madamo nga lebel sang CPSU kag sang estado nga ilaragway ang ila kaugalingon bilang mga "liberal nga komunista" kag sa pag-atake - sa panabon nga lubos nga anti-Stalin kag ginapinta si Stalin nga malaut sangsa kay Hitler - ang bilog nga sakup sang kasaysayan sang Sobyet. Ila ginpresentar ang abstrakto nga labaw-sa-sahi, unibersalistiko, humanistiko kag indi istorikal nga ma termino kag magkurit sang humalin sa demokrasya sosyal kag liberalismo nga burges agud ilihis kag panubuan ang teorya nga Marxismo-Leninismo kag ang proletaryo nga rebolusyonaryong panindugan.

Si Gorbachov kag iya kaupdanan sistematiko nga nag-adoptar sang masupog nga mg anti-komunista nga "adbayser" kag ginbutang ang mga anti-komunista nga madamo nga sanga sang gubyerno, sa Congress of People's Deputies, sa mga institusyon kag masmidya agud magpaggwa sang tayuyon nga ilig sang anti-komunista nga propaganda. Si Gorbavhev mismo ang nagpamuno agud insultuhon ang proletaryado nga rebolusyonaryong panindugan nga lipas na kag wala sang monopolyo sa kamatuoran ang Marxismo-Leninismo kag nag-angkon sang pagdayaw sa opisyales, mga ideolohista kag mga publisista sang Estados Unidos kag iban pa nga kapitalista nga pungsod samtang iya ginapalapnag ang lengwahe sang sosyal demokrasya kag burges nga liberalismo kag sang ulihi ang mga terminolohiya sang US sa cold war.