Red Alert

Itinaas ng kumand ng yunit ang alerto nang naiulat na may isang yunit ng kaaway na nasa malapit na lugar. Sa kalagayang "Red alert," mabilis na kumilos ang mga kasama, niligpit ang kanilang mga gamit at itinabi na ang iba sa imbakan. Ilang saglit pa ay handa na ang lahat at naghihintay na lamang sa atas ng kumand.

Tinukoy sa sandmap ang pusisyon ng kaaway. Isang tim ang binuo at tumungo sa erya upang kumalap ng karagdagang impormasyon. Matapos mabuo ang ulat, binuo ng kumand ang plano at magiging kaayusan. Mabilis at ligtas na nakalipat ng pwesto ang mga kasama kahit makilos ang mga kaaway.