Gipadaku ang badyet sa Armed Forces of the Philippines (AFP) alang sa 2021 gikan P208.7 bilyon hangtud P215 bilyon sa pagdungog sa Senado sa sugyot nga badyet niadtong Nobyembre 20. Usa sa gidugangan sa pondo ang modernisasyon sa AFP gikan P25 bilyon ngadto sa P83 bilyon (dugang P58 bilyon).

Lain pang dugang sa badyet sa AFP ang ₱5 bilyong pondong “dili programado” nga walang kalainan sa pork barrel sa Kongreso, ₱2 bilyon alang sa pagpalit sa duha pa ka dagkung eroplano ug ₱2 bilyon alang sa gamit sa 11th ID. Ilalum niini, ₱800 milyon ang nakagahin alang sa pagpalit og mga bomba ug bala alang sa mga eroplano ug helikopter panggubat. Aduna usay gigahin nga ₱190 milyong pondong “pangsuporta” sa National Task Force to End Local Communist Armed Conflict. Luyo kini sa nagkakusog nga panawagang tangtangan og pondo ang maong task force ug igahin ang badyet niini alang sa ayuda ug rehabilitasyon sa mga naigo sa pandemya ug kalamidad.