Isa ka helikopter ang ginhulog sang Kachin Independence Army (KIA) sa opensiba sini sang Mayo 3 sa Momauk, estado sang Kachin sa Myanmar (anay Burma). Ang KIA isa sa mga armadong grupo sang pungsodnon nga minorya nga nagabato sa hunta militar. Pila ka semana na nga ginabomba sang mga helikopter kag fighter jet sang hunta ang amo nga lugar. Suno sa tagapamaba sang KIA, nagresulta na sa pagkapatay sang tatlo ka sibilyan kag pagkapilas sang siyam nga iban pa ang mga pagpamomba sang hunta. Lima ka libo na ang napilitan nga magbakwit.

Sadtong Abril 27 naman, nalutos kag ginsunog sang Karen National Liberation Army ang kampo militar sa dulunan sang Thailand kag Myanmar. Ginhimo ang reyd pagkatapos ang pagpangluthang sang mga suldado sa mga bangka sang mga sibilyan nga nagatabok sa suba. Bilang balos, nagpadala sang fighter jet ang hunta para bombahon ang lugar.