Ginluthang sang duha ka indi-kilala nga lalaki si John Heredia, anay direktor sang National Union of Journalist of the Philippines, sa Barangay Lawa-an, Roxas City, Capiz sang Mayo 2. Natabo ini isa ka adlaw antes ang anibersaryo sang World Press Freedom Day.

Si Heredia ang ika-21 mamahayag nga ginpatay sa idalom sang rehimen nga Duterte. Nakalista man ang Altermidya, grupo sang alternatibo nga mamahayag, sang 68 kaso sang paglapas sa hilway nga pamamahayag sa idalom ni Duterte.

Suno sa 2021 World Press Freedom Index nga ginpaggwa sang Reporters Without Borders sang Abril 27, ika-138 ang Pilipinas sa listahan sang 180 pungsod sa halambalanon sang pagsakdag sa kahilwayan sa pamamahayag.

Samtang, gindumdom sang mga mamahayag sang Mayo 5 ang una nga anibersaryo halin sang ginbalibaran sang rehimeng Duterte nga hatagan sang prangkisa ang ABS-CBN para sige-sige nga makapagbrodkas.