KARABAN PARA KAY JORY PORQUIA. Naglunsar sang misa kag karaban ang nagkalainlain nga progresibong organisasyon kag mga paryente ni Jory Porquia sa Iloilo City sang Abril 30 bilang pagdumdom sa una nga tuig sang pagpatay sa iya kag agud magpanawagan sang hustisya. Si Porquia nagserbi nga organisador sang Bayan Muna sa syudad. Lakip man siya sa mga nagtukod sang una nga mga community kitchen (kusinang bayan) sa syudad nga nagatuyo nga pakaunon ang mga imol sa komunidad nga apektado sang pandemya.

HUSTISYA PARA KAY JOHN FAROCHILIN. Nagtipon ang mga paryente kag myembro sang Pamanggas sa atubang sang Jaro Cathedral sa Iloilo City agud ipanawagan ang hustisya kay John Farochilin. Ginpatay si Farochilin sang mga elemento sang AFP sang Abril 18, 2020.

KARABAN BATUK SA JEEPNEY PHASEOUT. Nagkaraban sang Abril 30 ang mga tsuper sa Baguio City agud kundenahon ang padayon nga pagsulong sang programa nga “modernisasyon” sang rehimeng Duterte kag pag-phaseout sa tradisyunal nga dyip. Panawagan sang mga opereytor kag tsuper sang dyip nga ipabilin ang subong nga modelo sang dyip kag ang ila pangabuhian.