Gin-ambus sang Bagong Hukbong Bayan (BHB)-Surigao del Sur ang mga suldado sang 75th IB nga sakay sang habal-habal samtang nagabyahe sa Purok 2, Barangay Bolhoon, San Miguel sang Marso 14. Naagaw halin sa ila ang isa ka riple nga R4 samtang napatay ang isa ka suldado. Nagapauli ang mga suldado halin sa operasyong kombat sa kaiping nga mga komunidad.

Nagpangayo man sang pasaylo ang yunit sang BHB pagkatapos mapilasan ang isa ka sibilyan nga drayber sa ambus.

Pito ka suldado ang napatay sa kontra-opensiba sang BHB-Bukidnon batuk sa nagaoperasyon nga mga tropa sang 1st Scout Rangers Battalion kag 8th IB sa Sityo Kiito, Barangay Can-ayan, Malaybalay City udto sang Marso 3. Isa ka suldado man ang napatay sang BHB sa isa ka kontra-reyd batuk sa 88th IB sa Sityo Bendum, Barangay Busdi sa parehong syudad sang Marso 9.

Sa Agusan del Sur, duha ka tropa sang 67th IB ang napatay samtang pito ang napilasan sa ambus sang BHB sa Barangay Manat, Trento sang Marso 12.

Nagasulunod nga operasyong haras ang ginlunsar sang BHB-Northern Samar (Rodante Urtal Command) sa mga barangay sang Catubig. Sang Pebrero 16, ginpalukpan sang BHB ang mga tropa sang PNP-Special Action Force sa tunga sang Barangay Roxas kag Barangay San Jose (Hebobollao). Duha ka suldado ang napatay kag duha ang napilasan.

Sa Barangay Tungodnon sang Pebrero 21, ginpalukpan sang BHB ang 20 nagaoperasyon nga kaaway. Duha ang ginreport nga napatay. Ginpalukpan liwat sang mga Pulang hangaway ang mga nagaoperasyon nga tropa sa CM Recto (Lobedico) sang Pebrero 24.