Inisnayp ti New People’s Army (NPA)-Western Samar (Arnulfo Ortiz Command) dagiti soldado ti 87th IB nga agkamkampo idiay Sityo San Pedro, Barangay Poblacion 3, San Jose de Buan, Samar idi Hunyo 9. Agipatpatakder dagiti soldado ti alad iti uneg ti sityo para iti plano da a detatsment.

Natay iti isnayp ti soldado a ni Corporal Marvin Calvintos iti 87th IB. Pinatudoan iti bala dagiti Nalabaga a mannakigubat dagiti soldado a nagresulta iti pannakasugat ti adu kadakuada.

Kas bales, dagiti sibilyan a komunidad ti nagpupungtutan dagiti soldado. Kinanyon da ti banbantay ken taltalon nga asideg iti sityo a nangipagteng iti riribuk kadagiti mannalon. Kaaduan kadagiti mannalon ket saanen a makaubra kadagiti uma da. Ti dadduma ket napilitan nga agbakwit iti buteng a tamaan dagiti bomba.

Ti San Pedro ket dati a militarisado sipud 2024. Nairekord ditoy ti agtutuon a panaglabsing kadagiti karbengan-tao.