Panagbittak ti Bulkan Kanlaon, sinango ti NPA-Negros
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/06/Kanlaon-Lahar-1024x540.jpg )
Agtigtignay ita dagiti yunit ken kumand iti sidong ti New People’s Army (NPA)-Negros Islands (Apolinario Gamaitan Command) tapno makipagrikna ken tumulong kadagiti masa a Negrosanon nga apektado iti panagputok ti Bulkan Kanlaon. Pimmutok ti bulkan idi Hunyo 3, ken idi Hunyo 6 ket nakapadas dagiti komunidad ti Central Negros iti panagayus ti lahar manipud iti bulkan gapu iti napigsa a tudo a limmaok iti dapu nga inpugso ti bulkan.
Doble a parigat kadagiti masa a Negrosanon ti panagputok ti Bulkan Kanlaon gapu ta saan da pay a nakabangon manipud iti panangdidigra ti tikag idi tiempo ti El Niño.
Kadagiti report, dimmanonen iti 15,511 pamilya (agarup 50,000 katao) iti 23 barangay ti apektado iti panagputok iti bulkan idi Hunyo 18. Mapatta-patta a dumanon iti ₱10 milyon ti dadael nga intunda na iti sektor ti agrikultura.
Imbes a kongkreto ken lehitimo a tulong, agpalpalastog laeng ti rehimen Marcos Jr iti panangited na iti saan a sustenable nga ayuda para iti panagpulitika na ken propaganda a militar. Iti tengnga iti didigra, indeklara pay iti 303rd IBde a saan da nga isardeng dagiti kombat nga operasyon kadagiti apektado a komunidad. Iti dadduma a gundaway, inaramat pay dagiti soldado ti panangiwaras iti ayuda tapno pwersado a “pasukoen” dagiti sibilyan.