Masobra 100 ka tawo ang nagtambong sa ginpatigayon nga programa sang pagpasidungog para sa mga Baganihan kag Martir sang Agosto sang Panay sadtong Agosto 26 sa Iloilo. Nagtambong diri ang mga abyan, himata kag mga anay kaupod sang 11 nga napatay nga mga Pulang hangaway sang Bagong Hukbong Bayan (BHB)-Panay kag mga kadre sang Partido Komunista ng Pilipinas sa rehiyon. Namartir sila sa asud-asod nga armadong engkwentro sadtong Agosto sa Iloilo kag Antique.

Ang adlaw sang pagpasidungog ang gintuon sa ika-74 nga kaadlawan ni Ka Concha Araneta-Bocala, isa sa mga namartir. Nagserbe si Ka Concha bilang isa sa nagapanguna nga upisyal sang Pang-rehiyon nga Komite sang Partido sa Panay kag konsultant sang National Democratic Front of the Philippines.

Ginbasa sa programa ang pagpasidungog sang Komite Sentral ng Partido sa mga Baganihan kag Martir sang Agosto sang Panay. Ginhatagan sini sang pinakamataas nga pasidungog si Vicente Hinojales (Ka Hadjie/Ka Emil), kagawad sang Komite Sentral kag sekretaryo sang Pang-rehiyon nga Komite sang Partido sa isla. Nagpamuno siya sa rehiyon sang Panay halin 2016, pagkatapos nga nagtungod sang malahalon nga bahin sa komprehensibo nga pag-uswag sang mga rebolusyonaryong paghimakas sa Northeast Mindanao halin 2006 tubtob 2016.