Mga protesta sa pagbukas sang mga unibersidad. Ginatos ka mga pamatan-on sa mga unibersidad ang naglunsar sang mga protesta sadtong Agosto bilang pagsugata sa pagbukas sang klase. Ginpanawagan nila ang dugang-pondo para sa edukasyon, pag-untat sang komersyalisasyon sa edukasyon, pagpamatuk sa pagpasaka sang matrikula kag iban pa nga mga balayran, pagtib-ong sa akademiko nga kahilwayan kag iban pa. Ginhatagan man nila tum-ok ang iban nga pungsodnon nga isyu. May yara man sang hublag sa tanan nga kampus sang University of the Philippines. Nareport ang mga protesta sa University of Sto. Tomas, Ateneo de Manila University, Far Eastern University, Saint Louis University, Pamantasan ng Lungsod ng Maynila, Technological University of the Philippines-Manila kag Bulacan State University.

Mga tumandok sa South Cotabato, nagtililipon kontra mina. Masobra 500 ka tumandok nga B’laan kag T’boli ang nagtililipon sa Sityo Tablo, Barangay Maan, T’boli, South Cotabato sadtong Agosto 22 para ipalab-ot sa NCIP ang ila nga pagpamatuk sa pagmina sang 88 Kiamba Mining and Development Corporation kag tanan nga iban pa nga aplikasyon para sa pagmina sa ila nga lugar. Ang pagtililipon ang sabat sa ginpatawag nga konsultasyon sang NCIP, pero wala ini gin-ulpot sang ahensya.