Lain-lain nga tipo sang aktibidad ang ginlunsar sang mga sanga sang Friends of the Filipino People in Struggle (FFPS) sa Asia, Australia, Europe kag North America para ipahayag ang ila pakig-ugyon sa rebolusyon Pilipino kag manawagan sang suporta para diri. Gintigayon nila ang mga hublag sadtong Agosto 26.

Sa US, ginlunsar sang mga katapo sang grupo ang koordinado nga mga talakayan kag militante nga demonstrasyon sa Baltimore, Portland, Seattle, Los Angeles, New York, San Francisco kag Orange Country. Magluwas diri, gintukod man sa pungsod ang duha ka bag-o nga katapo nga organisasyon nga Tanod Lupa kag Guerrero. May yara man sang mga aktibidad sa Canada, The Netherlands, Finland, France, Germany, Spain, Switzerland, Denmark, Greece, Austria kag sa United Kingdom. Sa Mexico, madamo nga mga aktibista ang nagtililipon sa plasa sang Oaxaca para magtigayon sang programa.