Nagprotesta ang mga progresibo nga organisasyon sa Bicol sadtong Agosto 14 sa Legazpi City para batikuson ang presensya militar sang imperyalismong US sa syudad. Ginlunsar nila ang hublag sa ulihi nga adlaw sang “humanitarian mission” sang US sa idalom sang Pacific Partnership 2024-2 nga nagsugod sadtong Agosto 1.

sa pagpanguna sang Bagong Alyansang Makabayan (Bayan)-Bicol, nagpiket ang mga myembro kag mga alyado nga organisasyon sini sa atubang sang Marison Hotel sa Barangay 30-Cogon kon sa diin nagdayon ang pila sa mga Amerikano nga soldado. Pagkatapos ini sang isa ka misa sa Albay Cathedral kag karaban padulong sa Our Mother of Perpetual Help Redemptorist Church, malapit sa nasambit nga hotel.

Suno kay Bayan-Bicol Chairperson Jen Nagrampa, ginlunsar nila ang protesta para irehistro ang pagpamatuk sang mga makipungsodnon nga Bicolano sa mga aktibidad militar sang US sa rehiyon kag bisan sa bilog nga pungsod. “sa pagpanguna sang US Indo-Pacific Command, ang humanitarian mission sini ang smokescreen (pangtabon) sa operasyon kombat,” suno pa sa grupo.