Madinalag-on nga gitigayon sa mga operatiba sa Leonardo Panaligan Command- New People’s Army (LPC-NPA) ang pagsilot kang Jonil Sevilla, 26 anyos, usa ka traydor sa rebolusyon nga taga Sityo Kabulay, Barangay Trinidad, Guihulngan City, Negros Oriental. Gihimo ang punitibong aksyon niadtong Agosto 30, 2024, mga alas-6 sa gabii, sa Sityo Cambairan, sakop gihapon sa nahisgutang barangay. Nakuha ang usa ka cellphone nga adunay numero sa mga militar para sa iyang regular nga paghatag og impormasyon.

Napamatud-an si Sevilla nga responsable sa pagpa-reyd sa mga kauban sa Sityo Gusa, Brgy. Budlasan, Canlaon City, Negros Oriental niadtong Agosto 2, 2024. Kabahin usab siya sa reyd nga nahitabo sa usa ka yunit sa NPA sa Sityo Amomoyong, Barangay Trinidad, Guihulngan City niadtong 2023 nga nagresulta sa kamatayon sa 4 ka kauban.

Ang pagpakanaog sa silot kamatayon kang Sevilla usa ka pagpamatuod nga sinsero ang LPC-NPA sa pagpatuman sa rebolusyonaryong hustisya alang sa kaayuhan sa tanan. Kini nagsilbi usab nga pangpahimangno sa mga malaing elemento sa komunidad, ilabi na sa mga supog nga tig-giya sa mga tropang militar sa panahon sa mga operasyong militar, nga muabot usab ang ilang adlaw. Dili mutugot ang tinuod nga sundalo sa katawhan nga padayon kamong magpakuyanap og terorismo diri sa kabanikanhan.

Sa tunga sa nagkagrabeng impunidad sa nasud, sakto lang nga magpabilin ang determinasyon sa tibuok rebolusyonaryong pwersa sa Central Negros sa pagpaningil og hustisya para sa biktima sa pasistang estado.