Gipahigayon ang mga selebrasyon alang sa ika-52 nga anibersaryo sa pagkatukod sa Bagong Hukbong Bayan (BHB) niadtong Marso 29 taliwala sa walay puas nga operasyon sa Armed Forces of the Philippines.

Gisaulog ang anibersaryo sa kabanikanhan ug kasyudaran sa Southern Tagalog taliwala sa nagkagrabeng pasistang atake sa rehimeng Duterte sa rehiyon. Gisagubang sa mga mitambong sa selebrasyon ang dakung pakat sa kaaway aron maabot sa kampo sa BHB sa rehiyon. Sa kasyudaran, kusog ang panawagan sa BHB nga ihatag ang rebolusyonaryong hustisya alang sa mga biktima sa terorismo sa rehimen.

Gisaludohan sa BHB-Negros ang tanang Pulang kumander ug manggugubat sa ilang mga kadaugan ug sa pagpadayon sa armadong pakigbisog. Gikan sa 60 ka pwersa nga nabilin dukad niadtong maglunsad og Ikaduhang Bantugang Kalihukang Pagtul-id, karon, aduna na kini lima ka natarang gerilya nga nakadeploy gikan sa amihanan hangtud sa habagatang bahin sa Negros.

“Pakyas ang US-Duterte!” ang pasiuna nga mensahe sa NDF-Northeastern Mindanao Region. Nanawagan ang Regional Operational Command sa rehiyon nga patigbabawan ang mga kahuyangan sama sa konserbatismong militar. Gitaho niini ang upat ka dagkung taktikal nga opensiba kung asa nakumpiska ang tag-as nga kalibre sa armas sa Surigao del Norte ug Surigao del Sur.

Aduna usay programa ang mga Pulang manggugubat sa Southern Mindanao Region.