Duha ka ahente sa paniktik sang 15th IB ang napatay sa ambus sang Bagong Hukbong Bayan (BHB)-Southwest Negros (Armando Sumayang Jr. Command) sang Abril 3 sa Sityo Cambaga, Yaoyao, Cauayan, Negros Occidental. Nakuha sa ila ang isa ka .45 kalibre nga pistola, isa ka 9mm Glock kag mga dokumento sang pagkakilala. Pagkahapon, apat ka suldado sang 15th IB ang napatay sa isa ka engkwentro sa yunit sang BHB.

Sang Abril 13, isa pa ka pistola ang nakumpiska halin sa aktibo nga ahente sang 7th Intelligence Service Unit sa Barangay Consing, E.B. Magalona, Negros Occidental.

Isa ka adlaw antes sini, tatlo ka backhoe ang ginparalisa sang BHB-North Negros sa Barangay E. Lopez, Silay City. Ginagamit ang mga backhoe sa operasyon kwari sa amo nga lugar nga nangin kabangdanan sang grabe nga pagbaha kag pagkaguba sang kapalibutan. Ginatantya nga nagalab-ot sa ₱16.6 milyon ang balor sang mga ini nga ginapanag-iyahan ni Mayor Mark Andrew Golez sang Silay City.