Iniulat ng Kilusang Magbubukid ng Pilipinas (KMP) noong Agosto 12 na tumaas ang presyo ng abono nang ₱200-₱400/bag sa nakaraang dalawang buwan. Sa datos ng Department of Agriculture (DA), ang presyo ng prilled urea ay ₱1,415.99 kada bag, ₱1,393.32 sa granular urea, ₱778.79 sa ammosul at ₱1,268.19 sa complete. Halos doble ang mga ito kung ikukumpara sa presyo noong nakaraang taon.

Ginagamitan ng abono ang halos 85% ng mga palayan at kalahati ng mga gulayan sa bansa. Giit ng mga magsasaka na dapat imbestigahan ng DA ang pagtaas ng mga presyo at huwag itodo ang pag-aangkat ng imported at mamahaling abono. Kasabay ng pagtaas ng presyo ng abono, tumaas rin ang presyo ng petrolyo at mga pestisidyo.