Ginpakamalaut sang mga biktima sang layi militar ang pagbasura sang Commission on Elections (Comelec) sa ila petisyon para idiskwalipika ang kandidatura ni Ferdinand Marcos Jr. sang Enero 17.

Nanindugan ang mga petisyuner nga indi pwede magpadalagan sa anuman nga pusisyon pangpubliko si Marcos Jr. bangud nasentensyahan siya nga nakasala sadtong 1995 sa kaso nga wala pagbayad sang buhis.

Sa atubang sini, magapasaka ang mga petisyuner sang mosyon para hangkaton ang desisyon. Maluwas sa ginbasura nga petisyon, ginaatubang gihapon ni Marcos Jr. ang tatlo ka kaso nga diskwalipikasyon nga napasaka sa Comelec.