Barangay San Isidro, Sibagat, Agusan del Sur- Malampusong nasilotan sa NPA-Agusan del Sur si CAA Jason Caniete, usa ka kontra-rebolusyonaryo, pinaagi sa pagpusil-patay kaniadtong Enero 15, 2022. Aktibong nagaduty kini siya sa kampo detatsment sa ilang lugar.

Ang mga nakaduty nga CAFGU dinhi, lakip si Caniete, kanunay’ng nagapanghadlok, nagapanaywar ug pugsanong nagapasurender og mga inosenteng sibilyan isip mga myembro kuno sa NPA. Nabantog usab kini silang mga tigpasiugda og mga anti-sosyal nga gimbuhaton sama sa sugal, droga, penile implant, kabit, kawat ug daghan pang uban. Maong angayan lamang manubag ang mga kriminal sa kadaot nga gihimo nila sa katawhan ug sa rebolusyonaryong kalihukan.