NAKUMPISKA SA BAGONG Hukbong Bayan (BHB)-Western Samar (Arnulfo Ortiz Command) ang usa ka ripleng R4 sa ambus niini batok sa 3rd IB sa Barangay Gayondato, San Jorge, Western Samar, niadtong Mayo 14 sa alas-9 sa buntag. Napatay sa opensiba si Cpl. Reycon Remedio ug usa ka sundalo ang nasamdan.

Matud sa taho, migawas sa kampo niini sa Barangay Gayondato ang mga sundalo sa 3rd IB aron maligo dihang pabuthan sila sa mga Pulang manggugubat.

Sa wala pa ang ambus, gilunsad usab sa BHB niadtong Mayo ang operasyong haras batok sa mga kampo sa CAFGU. Giharas sa hukbong bayan ang kampo sa CAFGU sa Barangay Santo Niño, Motiong ug sa Barangay San Fernando, Jiabong. Napatay dinhi ang usa ka sundalo ug usa ka elemento sa CAFGU.

Sa Oriental Mindoro, gipabuthan sa BHB-Mindoro (Lucio de Guzman Command) ang mga sundalo sa 4th IB nga anaa sa kampo militar niini sa Sityo Sigao, Barangay Lisap, Bongabong niadtong Mayo 20. Nakakampo ang mga sundalo sa maong sityo ug nagpahamtang og pagharing militar gikan pa niadtong 2022.

Sa Negros Oriental, naglunsad ang BHB-Central Negros (Leonardo Panaligan Command) og duha ka operasyong haras batok sa 62nd IB. Giatake nila ang base sa 62nd IB sa Barangay Malangsa, Vallehermoso niadtong Mayo 24 ug sa Barangay Hinakpan, Guihulngan City niadtong Mayo 27.