Ginransak sang mga katapo sang #DiMasaligan79IB ang balay sang mag-asawa nga sila Alejandro kag Maricel Villamero sadtong Mayo 31, pasado alas-8:00 sang aga sa Sityo Manaysay, Barangay Cambayobo, Calatrava, Negros Occidental.

Ginkawat man sang nasambit nga militar ang masobra ₱7,000 nga kwarta nga madugay na nga ginsupot sang mag-asawa.

Nagbilin man sang sulat ang tropa militar nga namahug kag nagapasibangud sa mag-asawa nga nagasuporta siya sang NPA.

Ginhimo ini sang mga tropa militar sa tion nga nag-obra ang mag-asawa sa kampo kag wala tawo ang ila balay.

Antes sini, sadtong Mayo 30 sa hapon,nakita sang mga residente sa amo nga barangay ang apat ka katapo sang #DiMasaligan79IB nga nakasibilyan nga naga-obserbar sa balay ni Polin Lausa nga ila kaingod.

Subong nga adlaw, gintineran sang #DiMasaligan79IB ang balay sang mag-asawa nga Villamero kag sa ila mga kaingod.