Naglunsad og aksyong ambush ang Bagong Hukbong Bayan- SDS batok sa nag operasyong tropa sa Charlie Company 75th IBPA ilalom sa pagpanguna ni Lt. Daniel Buñol. Nahitabo kini 7:35 sa buntag Octobre 6, 2022 sa bukirong bahin sa brgy. Mahaba Marihatag , Surigao del Sur sakop sa Andap Valley Complex.

Sakay sa 3 ka motor (de katig) ang mga tropa sa sundalo dihang gipaarakan kini sa nakaposisyon nga operating team sa BHB, 7 metros gilay-on sa ilang posisyon. Mikabat sa syete (7) minutos ang sinukliay og bala diin tulo (3) ang patay ug isa (1) ang samaron sa han -ay sa sundalo.

Kining maong aksyon kabahin sa mapadayunong kontra-opensiba sa mga atakeng gihimo sa militar sa rebolusyonaryong kalihukan sa probinsya. Tubag usab kini sa paspas ug kaylap nga operisyong militar ingonman sa pagpanglapas sa tawhanong katungod nga binuhatan sa hilabihang ka mangtas nga 75th Infantry “Marauder ” Battalion Philippine Army ilalom ni Lieutenant Colonel Nelson D. Buyuccan Comanding Officer.

Nagpasiatab ang Armed Forces of the Philippines (AFP) na halos napukan na ang rebolusyonaryong kalihukan ug ang armadong pakigbisog sa Surigao del Sur. Apan ang kamatuoran, samtang padayon ang kabangis ug pasistang binuhatan sa mga berdugong militar anam- anam niining gipukaw ang mga biktima ug ang katawhang kabus nga gidaug daug sa pagbating mosukol ug mag armas batok sa nagharing estado.

Nag ilusyon ang gastuso ug walay pulos nga NTF-ELCAC sa tumong niining gub-on ug pukanon ang rebolusyonaryong kalihukan sa probinsya ug sa tibuok nasud.

Hagit sa tanang katawhan nga padayong suklan ang kabangis sa estado ug ipahugot ang sumpay ug pagtinabangay sa masa ug hukbong bayan aron pakyason ang dinaghang operasyon sa naghuramintadong kaaway ug iasdang ang gubat sa katawhan hangtod sa hingpit nga kadaugan.

Mabuhi ang Bagong Hukbong Bayan!