Read in: English | Pilipino

Ang National Democratic Front of the Philippines sa North Eastern Mindanao Region (NDFP-NEMR) labing kusganon nga nagkondena sa pagpatay sa 78 anyos nga tigulang nga si Rolando “Tatay Bodoy” Patiño Leyson, Sr. Gipatay siya tungod lamang kay amahan siya ni Ka Edroy, iladong lider sa BHB sa Surigao del Norte-NEMR. Mao kini ang militar ug kapulisan ni Duterte: walay pagbati nga mga mersenaryo, mopatay bisan sa walay depensa nga mga tigulang ug kabataan.

Gipatay si Tatay Bodoy sa 5 ka naka-bonnet nga mga armadong kalalakin-an nga pugos nisulod sa iyang balay sa Km. 20, San Pedro, Sison, Surigao del Norte sa alas 11:30 sa gabii niadtong Septembre 11, 2020. Ang tigulang natulog tapad sa iyang apo nga wala makamata panahon sa pagpusil tungod kay nigamit og silencer sa ilang mga armas ang mga killers. Gipusilpusil si Tatay Bodoy, tulo ang igo niya sa ulo. Ang nakuha nga mga bala ug kabhang sa bala naggikan sa M16 ug .9mm nga mga armas. Nakit-an ang mga killers nga nagsakay sa usa ka itom nga Toyota Fortuner SUV ug nipaingon padulong sa Butuan City.

Direktang giakusahan sa NDFP-NEMR, ang PNP-Surigao del Norte, 901st Bde ug ang 29th IBPA nga maoy nagpatay, tungod kay sila lamang ang dunay kakayahan ug kagustuhan nga mohimo sa maong ngilngig nga binuhatan batok sa ordinaryong mga sibilyan, taliwala sa CoViD-19 pandemic. Mga ahente sa estado lamang ug ang ilang mga kakunsabo ang makabyahe sa tunga sa gabii, sa highway, sa usa ka luxury vehicle ug nagdala og mga taas nga kalibreng pusil, nga sayon makalusot sa daghang mga checkpoints, samtang dunay giimposar nga curfew sa tibuok probinsya.

Niadtong Septembre 8 sa alas 5 sa hapon, gipusil-patay usab sa duha ka armadong naka-bonnet si Jojie Udtohan Gayoso, driver sa motor nga nagtrabaho ug sinaligan ni Tatay Bodoy, didtosa Km. 19, Brgy. San Pedro, Sison.

Nagtoo kami nga ang pagpatay kang Jojie ug Tatay Bodoy gihimo lambigit sa kamatayon ni PSSgt. Restie Dandan, intelligence officer sa PNP, nga usa ka lehitimong target militar sa BHB, didto sa Sison niadtong Agusto. Suod si PSSgt. Dandan sa kasamtangang mayor sa Sison ilabina sa iyang bana nga nalambigit sa druga. Adunay mga taho nga human sa pagkapatay ni PSSgt. Dandan, panahon sa prayer rally ug lubong, nagbahad ang mayor nga imasaker ang pamilya ni Ka Edroy ug mga nagsuporta sa BHB, nga sila na ang mosunod.
Pipila ka adlaw adeser ang pagpatay kang Tatay Bodoy ug Jojie, ang Municipal Police Station sa Sison nagbutang og 5.1million ganti sa pagdakop kang Ka Edroy.

Daghang mga militar ug pulis ang gi-deploy sa haya ni Tatay Bodoy, naghasi sa pamilya, mga ig-agaw ug higala, taliwala sa ilang pagbangutan.

Hustisya sa pagkamatay ni Tatay Budoy!