Ginklaro sang Roselyn Jean Pelle Command-New People’s Army (RJPC-NPA) nga wala sang basehan ang nauna nga pahayag sini nga goon si Jury Gani ni SB member Martin Ballesteros. Sandig sa imbestigasyon sini, napamatud-an nga indi ini matuod.

Bilang isa ka rebolusyonaryong hukbo nga naga-uyat sang siyentipiko nga metodo sa pag-usisa, wala kami nagapang-alang-alang sa pagtadlong sa mga sayop nga impormasyon nga magatuhaw sa amon mga pahayag.

Apang, wala in sang kaangtanan sa mga kaso ni Gani.

Magluwas nga aktibo kag masupog nga intel kag drug peddler si Gani, nagkomiter siya sang kaso sang paghimulos (rape) kon sa diin ang biktima ang iya mismo stepdaughter.

Sandig sa dokumento sang Ubay sa Pagtukod sang Demokratikong Gobyerno sang Banwa nga amo ang sandigan nga laye sang rebolusyonaryong gobyerno sang pumuluyo, ang ginkomiter ni Gani isa ka mabug-at nga krimen nga may penalidad nga silot kamatayon (capital crime).

Ginklaro namon nga sandig sa mga nahimo ni Gani, ginpahamtangan siya sang mga Pulang hangaway sang silot kamatayon.

Bangud sini, wala sang basehan ang mga nagalapta nga mga pahayag nga may kaangtanan si SB member Ballesteros sa amo nga hitabo.