Dakong bakak ang giingon sa 303rd Brigade sa kumand ni Col. Benedict Arevalo ug 79th IB sa kumand ni Jesson Agaton nga nakaengkwentro sila og pipila ka membro sa New People’s Army (NPA) sa Sityo Puting Bato, Bgy. Washington, Escalante City adtong Nobyembre 16, 2018.  Walay operatiba o hangaway ang NPA Roselyn Jean Pelle Command sa mao na lugar. Walay na-klining na armas sa NPA. Walay casualty kay walay engkwentro na nahitabo.

Matud sa mga pumuloyo alas 4:00 pasado sa kaagahon nagposisyon na ang pasistang army  sa maong lugar ug ilang giadto ang mga panimalay. Ang tinuod nga panghitabo nga sila-sila lang ang nagpaarak sa usa ka kawayanan diin giingon nila nga nahimutangan sa NPA.  Bisan ang mga pumuloyo maka-witness nga sila lang gyud ug walay balos nga binuthanay sulod sa 5 minutos.  Human sa maong giingon “peke” nga enkwentro, mipadayag dayon nga naay nakuha nga mga pusil didto sa encounter site. Namakak pa sila nga naay 2 patay sa habig sa NPA  ug nakasakmit og armas nga pulos lang gihapon bakak.  Sayo sila miposisyon sa lugar unya alas  10:00 na ang buto-buto?

Nagmadaugon na ang pumuluyo sa Barangay Washington sa pagpapahawa sa 303rd CMO nga composed sa   62nd  IB PA sa kumand ni  Lt. Col.  Castro niadtong 2017.  Apan karon ang bag-ong napuli nga 79th  IB mao gihapon ang ilang gihimo nga pagpanghasi sa mga pumuloyo kay kuno supporter sa NPA.  Sama sa Sagay 9 nga pugos nilang patuohon  ang katawhan nga ang mga NPA ang naghimo sa maong massacre.  Karon ingnon na pud nila ang pumuloyo sa Puting Bato  supporter sa NPA.   Desperado na gyud kaayo ang militar nga bisan unsa nalang ang ilang himoon. Pero dili sila makapugong sa katawhan nga mosalmot sa rebolusyonaryong kalihukan.  Sila ang nagtudlo nganong mosukol kanila ang katawhan.  Makigbisog, ayaw kahadlok!