Read in: English

Ginpatuman sang mga operatiba sang Roselyn Jean Pelle Command – New People’s Army Northern Negros Guerrilla Front ang desisyon sang rebolusyonaryong hukmanan sang banwa kag demokratikong gubyerno sang pumuluyo nga silot kamatayon batok kay Gerallie “Larry” Porre sang Sitio Aluyan Barangay Caduhaan, Cadiz City sadtong Marso 26.

Si Porre, isa ka anay elemento sang paramilitar nga CAFGU kag imbulbado sa iligal nga druga kag pagpang-agaw sang duta, isa sa mga responsable sa patraydor nga reyd sang AFP batok sa NPA sa Aluyan, Caduhaan, Cadiz City sadtong 2009, diin 6 ka Pulang hangaway ang naghalad sang kabuhi kag pila pa ang pilason.

Bisan sobra na sa dekada halin sang ginpanaog sang demokratikong gubyerno sa pumuluyo ang desisyon batok kay Porre kag iya mga kaupdanan, padayon ang rebolusyonaryong kahublagan sa paninguha agud mahatagan sang hustisya ang mga namartir nga kaupod. Ang RJPC magalagas sa gihapon sa mga kontra-rebolusyonaryo kag malain nga elemento pareho kay Porre nga nagapanghalit sa kabuhi kag palangabuhian sang masa sa mga sonang gerilya.

Ginapasidunggan sang RJPC ang kabuhi sang aton pinalangga nga mga martir, ilabe na ang malahalon nga mga tion nga ginhatag nila sa pag-alagad sa pumuluyo. Magpadayon kami mga Kaupod, Ka Angel, Ka Bob, Ka James, kag Ka Jovanie sa pursigido nga pagsulong sang inaway banwa!