Agosto 15—may gihatod nga duha ka salakyan sa mga tropa sa 62nd IB sa Barangay Macagahay Moises Padilla, Negros Occidental.

Pagka-ugma, Agosto 16, may mga pwersa sa nasambit nga militar ang niadto sa mga sityo sa Sampungan ug Kasya sa mao gihapon nga barangay.

Agosto 15—duha sab ka salakyan sa mga sundalo ang naabot sa Sityo Parkingan, Barangay Trinidad, Guihulngan City, Negros Oriental.

May nakita sab nga tropa militar sa mga sityo sa Tambak ug Kambairan, sa nasambit nga syudad pagka-ugma, Agosto 16. Samtang, aduna sab sa Sityo Uyangan, Barangay Budlasan, Canlaon City, Negros Oriental.

Samtang sa Barangay Bucalan, Canlaon City, anaa sab sila sa mga sityo sa Mambaha ug Batang-batangan.

Agosto 17—nagkatag ang mga pwersa sa nasambit nga militar sa mga barangay sa Guihulngan City. Makita sila sa mga sityo sa Bungaw (duha ka kolum), Banderahan, Punong, Nabanwagan ug Panagtugas, sakop sa Barangay Trinidad; Sityo Salong, Barangay Tacpao; Sityo Kapudlusan, Barangay Sandayao; ug Sityo Agpapataw, Barangay Binobohan.

Sa mga sityo sa Tagbak ug Bungaw, nagpakaaron-ingnon ang mga pasistang sundalo nga nag-census apan ang mga balay lang sa lumulupyo nga gidudahan nilang may kalambigitan sa NPA ang gipangsaka ug gipang-usisa.

Hangtod karon, padayon pa gihapon ang mga pasistang sundalo nga nagpundo sa kabukiran. Nagtiner sila sa mga balay, simbahan ug eskwelahan sa mga nasambit nga sityo.

Magmabinantayon sa pagpang-abuso sa mga pasistang sundalo.

62nd IB, layas sa kabukiran!